Cristiano Ronaldo (Kum 33) nih hlawh nan ka chap ahcun Real Madrid ah ka um rih ko lai tiah ni kum a hlawhmi nak tamdeuh a hal hna. Champions League-final an chuih dih in zeidah a cang timi cu nan theih zau ko lai, a rak timi a hung fiang ngai cang.
Amahbelte atu tiang cu Real Madrid he lungtlinnak an ngei kho rih lo. Culio ah media pawl nih Ronaldo hi Madrid ah um ko seh ti an duh ahcun hlawh sangpi an pek hau tiah an hun ttial. Sport nih a ttial ning ah kum 33 a si cangmi pa nih hlawh kai a duh.
Ronaldo nih Season pakhat ah a tlawmbik Euro 23 million a hlawh. Real Madrid nih million 30 tiang pek an duh ko nain tar lei a panh cangmi Ronaldo nih million 40 nan ka pek lawng ah ka duh a ti hna ti a si.
France Football nih a ttialning ah 2017/18 Season ah Ronaldo nih Euro 94million hrawng a hlawh. Mah cucu Club Bonus le Caw-ngia in a hmuhmi aa tel chih. Lionel Messi lawnglawng hi 2017/18 ah Euro 126 million hrawng a hlawh khomi a si.
2017/18 Hlawh Sangbik Hna
1. Lionel Messi (ARG/FC Barcelona) 126 M EURO
2. Cristiano Ronaldo (POR/Real Madrid) 94 M EURO
3. Neymar (BRA/Paris SG) 81,5 M EURO
4. Gareth Bale (WAL/Real Madrid) 44 M EURO
5. Gérard Piqué (SPA/FC Barcelona) 29 M EURO
Ronaldo cu Club dang nih cawk an duh ahcun a man fak ti lai lo, ti a si.
Sport tthiam nih Ronaldo hi a lungawi lo a si ahcun Real nih a zuar zong kan zuar ko lai an ti, tiah a ttial. A kum upa cangmi Ronaldo hi Club ngeitu Florentino Perez nih hlan bantuk in biapi ah a chia ti lo i Real Madrid nih a zatawk kan ruah piakmi a lungtlin lo ahcun amah nawl ti a hun ti cang.
Ronaldo cu World Cup chuih ding in Training a tuah cuahmah cang. Spain, Morocco le Iran he Group pakhat an si. Ronaldo a ke chuak lo tuk cang an ti nain 2017/18-season ah puai 44 a chuih i goal 40 a goal piak hna.
Comments
Post a Comment