World Cup i a langbik le a thiambik timi pawl hi Club lian pawl nih an ngiat cuahmah hna. Mino a tthangcho ding zong an zoh hna. A ralaimi season ah na ttanhmi club nih hodah a cawk i hodah a zuar timi van ngia ve: LINK pawl hi click chih khawh si.
Paris Saint-Germain nih Paul Pogba cu an duh ngai caah phaisa tlawmpal le Marco Verrati (25) he i thlen ding in United an hal hna tiah The Sun nih a ttial. Italy alaikal Verrati hi club lian tampi nih an zohmi a si i PSG ah Contract thar a ttial lai tiah an ruah nain atu cu Manchester ah aa tthial ding a lam tamdeuh tiah an ruah.
PSG le Italy goalbawh minthang Gianluigi Buffon (40) cu kum hnih ca lungtlinnak minsen an thut cang tiah France media nih an ttial.
Argentina Training tuah lio ah aa khawngmi West Ham alaikal Manuel Lanzini cu World Cup a chuih khawh lo pinah a ralaimi Season pakhat hi aa dinh a hau lai tiah Mirror nih a ttial.
Roma nih Radja Nainggolan cu Inter Milan ah an zuar. Nainggolan hi Roma caah a biapi tukmi a si nain Party kal le zuu din a hman ngai caah Belgium nih World Cup chuih ding in an laak duh lomi a si. Club lianlian nih cawk an duh nain Party kal a hmanmi ruang ah Roma ah a um peng rihmi hi a rak si. Sihmanhsehlaw, atu cu Inter Milan nih an hun cawk, i Roma caah cun sungh ngai a si kho.
Manchester United nih Juventus kehlei back Alex Sandro an cawk khawh lo caah Luke Shaw (22) tu hi Contract thar pek an i tim tiah Manchester Evening News. Manchester United hi Real Madrid an mino Mateo Kovacic cawk a duhmi club hna lakah aa tel ve tiah The Sun a ttial. Kum 24 a simi Kovacic cu Real Madrid ah an hman lo tuk caah chuah tak a duh cang.
Arsenal nih kum 29 a simi Argentinian Ever Benega hi cawk an duh ngaingai. Asinain, Sevilla nih an laikal thiam ngaimi cu zuar an tim lo tiah Independent nih a ttial. Arsenal nih Back an herh caah Juventus hnu kham Mehdi Benatia cu cawk an hal hna, asinain kum 31 a si cangmi Benatia nih Marseille maw Dortmund dek aa thimdeuh khawh men tiah bia a chuak.
Jose Mourinho nih Nabil Fekir hi a duh ngaingai ve tiah Sports nih a ttial i Lyon president Jean Michel zong nih United tu ah zuar ding a duhdeuh tiah a ttial chih. Nabil Fekir tu tutan chawdawr ah mit a thi ngaimi a si, Liverpool nih an rak cawk khawh deng.
Chelsea FC ah aa tlum ti lomi David Luiz cu Napoli nih cawk an i tim. Euro million 30 in an ngamh. Conte he an rak i rem lo caah chuih caan a rak ngei tuk lo i tutan Brasil zong nih an lak ti lomi a si.
Comments
Post a Comment