2018 World Cup cu ni kua faite lawng aa duh cang. A chuih ding ram vialte nih June 4. ah khan an ram aiawh ding 23 cio an chuahpi cang. An ram World Cup a chuih ko nain minung 23 ah aa tel lomi si hna seh, bawlung chuih thiam tuk a si ko nain an ram World Cup a luh khawh lo caah a chuih lo ding timi Leicung minthang lawngte 23 zoh hna usih.
Hi 23 hi ram aiawh si lo in World Cup ah phu khat in dir hna sehlaw pakhatnak an laa kho hnga maw?
23. Karim Benzema, France/Real Madrid (Hmaikal)
Zidane nih Benzema ka hmandeuh cang lai a timi Real Madrid president nih a duh lo caah Zidane nih Club a chuahtak tiah bia a leng. La Liga ah hmun a rak ngei lo. Asinain hmaikal ah a ke ttih nung ngaimi a si. Assist a tuahmi zong a tam i amah thawng in Ronaldo nih a goal lengmang. France nih a Sextape ruangah a laa duh lo.
22. Dani Alves, Brazil/PSG (Back)
Brazil orhlei back tthabik a si ko, nain kum 35 a si cangmi Dani Alves cu a khup aa khawn caah Brasil team ah aa tel lo.
21. Dimitri Payet, France/Marseille (Alai)
Payet cu a vanchia tuk. Europa League final ah an khawn caah France aiawh in a chuih kho ti lo. I khawng hlah sehlaw an laak ding a rak si.
20. Sergi Roberto, Spain/Barcelona (Alai/back)
Roberto hi alaikal cu a si nain back zong ah an hman khawh. Asinain Dani Carvajal le Azpilicueta tu hi Spain coach nih a thimdeuh hna. Cun Barcelona a chuihmi Sergi nakin Real Sociedad an mino Alvaro Odriozola tu hi a thim fawn.
19. Gianluigi Buffon, Italy/Juventus (Goalbawh)
Italy cu Sweden nih Playoff ah an tei hna caah World Cup an chuih kho lo. Chuih hna sehlaw Buffon nih tuanbia thar a ttial hnga. Buffon lawng si loin Italy minlang tampi World Cup an chuih lai lo.
18. Arturo Vidal, Chile/Bayern Munich (Alai)
Chile nih Copa America an tei nain World Cup chuihnak ticket an rak la kho lo. A paam ngaingaimi a si.
17. Antonio Valencia, ManUnited/Equador (back)
Kum 32 a simi Vanlencia cu Premier League kehlei ah a tthacem a si rih ko, nain an ram Euquador cu World Cup ah aa tel lo.
16. Radja Nainggolan, Belgium/Roma (Alai)
Belgium coach Martinez nih hi pa a lak lomi hi aa chir theng lai lo nain alaikal kong ah Mousa dembele le De Bruyne an i khawn sual ah maw, an ke aa theih lo ah maw Nainggolan hi a hun ruat ngai te lai tiah ka ruah.
15. Edin Dzeko, Bosnia and Herzegovina/Roma (Hmaikal)
Dzeko le Bosnia cu 2014 ah World Cup an rak chuih nain tutan cu a zohtu an si ve lai.
14. Jorginho, M, Italy/Napoli (Alai)
Pirlo bantuk cu a si lo nain Italy nih alaikal ttha an ngeihmi a si. Manchester City le Liverpool nih cawk an duh ngaingai.
13. Virgil van Dijk, Netherlands/Liverpool (back)
Netherlands in bawlungchuih thiam minthang an tlau cuahmah lio van Dijk hi a hun lang. Liverpool a chuih hnu in top-player a si a hung lang.
12. Mauro Icardi, Argentina/Inter Milan (hmai)
Serie A top-scorer a simi Icardi caah Argentina ah hmun a um lo ti a si. Lionel Messi, Sergio Aguero, Paulo Dybala le Gonzalo Higuain tu a thim hna. Kum 25 a simi Icardi nakin aa khawn tam ngaimi Aguero a thim ti khawh a si.
11. Lorenzo Insigne, Italy/Napoli (hmai)
Italy hmaikal tthabik a si lawng si lo in Club caah a tthatuk mi a si.
10. David Alaba, Austria/Bayern Munich (back)
A ngandam ko ahcun leicung ah kehlei back tthabik pahnihnak a si. Nain Austria cu World Cup an lut kho lo i a zohtu ah a cang ai.
09. Miralem Pjanic, Bosnia /Juventus (alai)
Alaikal ah a za taktak mi a si. Club lian Juventus ah min a langmi a si caah a chuih khawh ve lomi hi cu a poi ngaingai.
08. Pierre-Emerick Aubameyang, Gabon/Arsenal (Hmai)
Goal hmai ah ttih a nung tuk mi pakhat a si. A chan lailing a si fawn. An ram Gabonese cu World Cup ah aa tel lo caah a chuih lai lo.
07. Giorgio Chiellini, Italy/Juventus (back)
A upa nain a ttha tuk rih. Kum 33 a si i tutan World Cup ah Italy itel seh law ttha tein a chuih kho rih lai.
06. Adrien Rabiot, France/PSG (Alai)
France team ah aa tel lo a theih ah a thinhun a celh lo. Mino a si rih i a mawh lo. Nain PSG caah a biapi tukmi alaikal a si.
05. Leonardi Bonucci, D, Italy/AC Milan
Aluan cia kum 2 ah cun Leicung ah hnukham tthabik a si. Milan nih an cawk in an tthawng ti lo. Long-passer lakah a thiambik an rak ti. Bonucci a chuih khawh lo hi cu poi ko.
04. Alexis Sanchez, Chile/Manchester United (Hmai)
United a luh i an i ruahning bantuk a si ti lo. Cu pinah Russia kalnak ticket a teipi kho fawn hna. Asinain a thiam tuk rih ko.
03. Leroy Sane, Germany/Manchester City (Hmai/Alai)
Sane an thim lomi cu khuaruah har pah a si. Permier League ah amah hi a ttha pawl a si. A paam ngai.
02. Jan Oblak, Slovenia/Atletico Madrid (Goalbawh)
Goalbawh ttha tuk a simi a chuih kho ve lai lo. Slovenia cu World Cup an qualify lo i a paam ngai ko. Kum 25 lawng a si rih.
01. Gareth Bale, Wales/Real Madrid (hmai.)
Wales cu ram fate a si ve tikah World Cup an quailify lo. Europ Cup belte an rak i tel kho. Champions league teitu Bale cu World Cup ah a bau ve.
A dang minthang hna cu:
 |
World Cup A Chuih Ding Player Manfak Bik 10 |
24. Riyad Mahrez, Algeria/Leicester City (Alai)
25. Naby Keita, Guinea/RB Leipzig (alai)
26. Alvaro Morata, Spain/Chelsea (Hmaikal)
27. Marco Verratti, Italy/PSG (alai)
28. Javi Martinez, Spain/Bayern Munich (Back/alai)
Foto: The Sun
Comments
Post a Comment