Kim Jong-un Nih Zunput Aa Phurh

Mi ram vawlei ah dir an duh lo caah an ram vawlei an i phurh ti cu kan theih bal. Asinain tutan Kim Jong-un cu Singapore i Trump he i tong ding in a kal ahhin zunput aa phurh ti a si.

Iran_Deal A Hrawh Caah A Cang Khomi Thil

North Korea an phanmi cu ram dang sungthoh (Spy) pawl nih Dictator Kim zun-ek kha an check lai i a ngandam le dam lo, zeibantuk zawtnak a ngeih ti bantuk an theih sual lai ti an phang.

Hi zawn ah USA zong nih "Kim nih kan dernak a hmuh ding si kho lo tiah G7 tonnak in Trump a chuah hnu ah Canada prime minister cu heh tiah an phomh bantuk." kha a hung lo tiah ruah a si.

Kim te chung nunvengtu a rak simi Lee Yun-keol nih a chimnak ah Kim hi khual a tlawn tik paoh ah amah pumpak zunput cu aa ken peng ko, a ruang cu sungthoh pawl nih a ngandamnak he pehtlai in an theih ding a duh lo caah a si, tiah Washington Post ah a chim.

Kim hi mirum zawtnak a ngei tiah ruahmi a si i a ngandam lo tuk tiah an ruahmi a si.

Trump le Kim nih Singapore an i thimnak a ruang rel ve. An pahnih in an phan cang. June 12. in Vawleicung tuanbia thar an ttial lai. Daihnak an ser kho lai maw? ti biahalnak a taang.

Kim Jong-un nih "Daihnak le Atom-progam kong kan ceih lai." tiah media ah a chim cang.


SHARE.