North Korea chairman Kim Jong-un nih hmanthlak chung The Fullerton Hotel ah i um ding in aa thim nain a man cu kan liam kho lai lo, tiah a chim. Presidential Suite lawng hi zan khat ah US $6000 a si. Kan liam lai lo an tinak a ruang cu USA le International nih phihnak (Sanction) faktuk in nan kan tuah ruang ah ti a si.
Trump Nih North Korea A Tei Rih Lo, Na Rel Cang Maw?
American cozah nih Kim Jong-un a caam chung vialte cu kan in liam piak ko hna lai ti khawh tuk a si ko nain a ttha lei si lo in North Korea nih an i kuaih sual lai ti an phang tiah Washington Post nih a ttial.
North Korea Chairman nih nek ah aa ruah lai i aa nautat lai ti an phang tinak a si. Cucaah USA palai pawl nih Kim le a mitthi lalaang pawl an umnak vialte Singapore cozah nih liam piak ding in an chimh chawnh piak hna lio.
Kim Jong-un nih an ralbawi lianbik Kim Yong-chol cu USA ah a thlak i Trump cu cakuat a pek ter chih. Cu cakuat a rel tikah Trump cu a lungtling ngai, i a ralaimi June 12. cu kan itong ko lai tiah Trump nih a chim ve.
CNN nih a ttialning belte ah Singapore zong nih Kim te Hotel man a liam lai lo, naite i Nobel Peace Prize a hmumi hna phu, Atom/nuclear hrawh le zorter aa zuammi hna nih an liam lai ti a si.
North Korea in Singapore tiang a zuang kho ding vanlawng Kim nih a ngei hnga maw ti biahalnak a chuak. Russia vanlawng an rak cawkmi a hlun ngaimi lawng an ngei cang i lampi ah voikhat tal cu aa dinh le sehsii rawn a herh lai tiah zumh a si.
USA president Trump tu cu Shangri-La Hotel ah aa tthum lai. Aa tthumh cu mi dang aho hmanh i tthumh a si lai lo. Mah Hotel hi room 747 a um.
USA le North Korea Thawngpang ttial pah lengmang si lai, hun ra tthan te. Teirialcatialtu Page hi rak LIKE ve.
Comments
Post a Comment