G7 Ton Hlan Ah Twitter In An I Tawng Cang

June 8-9. tiang Vawleicung a rumbik ram timi pasarih cu Canada ah an i tong lai, i cucu a min ah G7 ti a si. G7 an i ton tikah zeidah an ceih, zeidah an khaan timi hi cu Vawleipi nih a hna tun tawnmi a si.

Tutan an i ton hlan in Canada prime minister le France president nih USA president cu Twitter ah an hun aukhuanh pah cang.

"American preisdent nih amah/ a dangte in um hi a poi ah chia men lai lo, i a dang zong nih G6 lungtlinnak minthut ding a herh ahcun a poi ah kan chia ve lo. A ruang cu hi ram ruk nih manngeihnak (values) kan dirpi,..." tiah Macron, France president nih a ttial.

TRUMP nih Canada le EU pawl cu Triff timi ramdang in thil luhpi man tamtuk a kaih hna caah UK, EU le Canada cu an lungtling lo ngaingai. A herh ning paoh in kan leh lai an ti i fak ngai in an leh ve. Tutan G7 ah hin a biapi in hi kong an ceih lai tiah ruah a si.

Canada prime minister cu ram innpa, hawikom tthabik kan si nain mah tluk khua a ruahmi cu kan ram hnih pehtlaihnak zei a rel lo a si tiah a ingpuang ngaingai.

Trump nih tihin a leh hna:

"Zangfah tein PM Trudeau le Pre. Macron ka chimh piak hna u, an ram i USA thil lutmi sang tuk in an lak (USA a sung). EU nih USA he chaw a lehnak ah 150billion an miak. Canada nih kan lothlo le a dang a reem hna. Thaizing kan iton dong kaa ngaih ngai." tiah a fawinak in a chimmi ka van leh.

Tutan an i ton ding ah Trump nih zeirel lo tuk in a chimrelmi a tam ngaingai. Zeidek an lawh te lai.

G7 zeidah a si? Facebook i Teirialcatial page hi Like law Follow tuah ve.

Fotos: Reuters