World Cup lio a si nain Football Club pawl nih a ralaimi bawlung kum caah hodah kan cawk lai, kan zuar lai timi cu an buaipi len ve. World Cup a dih in cun Club ah kan lung a um tthan te ding a si caah nan ttanhmi Club thawngpang kan hun ttial. News kan laknak Link in kan chiah i zoh chih khawh si.
Gareth Bale cu Champions League-final ah mi chawngtu a si i a lut in teinak goal a rak sut. Cu tlawmpal ah a chimmi cu a hramthawk tein ka chuih awk a si nain manager nih a ka chuihtermi a tlawmtuk ti a si.
Manchester United le Primer League ah pei aa tthial ne lai hi, tiah bia chawkvai a rak um. Asinain ruah lopi ah Zidane cu manager in aa phuak i Real Madrid nih Julen Lopetegui timi Spain Coach cu an lak caah Bale nih Real Madrid ah ka um rih ko lai, Julen kuttang ah chuih ka duh ko tiah biakhiahnak a hun ser.
Manchester United ttanhtu pawl caah thawngpang ttha a simi cu an gaol-bawh David de Gea nih kum nga um chap ding in minthutnak a tuah. Cucu Manchester Evening News nih a ttial.
Italy Serie A pahnihnak a simi Napoli manager Maurizio Sarri cu Chelsea Club he lungtlinnak an ngei kho deng tiah The Independent nih a ttial. Sarri nih assistant manager ah Chelsea Legend a simi Zola cu a sawm lai tiah The Sun nih a ttial.
Sarri nih an goalbawh Thibau Courtois cu a zuar lai lo tiah zumh a si. A ruangbik cu Real Madrid nih Roma-goalbawh Alisson Becker tu hi cawk an duh deuh caah a si tiah London Eveining Standard nih a ttial.
Amah belte Chelsea ngeitu Abramovitsj hi England nih Russia he an buainak ruangah Visa an pek lo caah Chelsea hi hlan bantuk in a zohkhenh kho ti lai lo tiah thawngpang a leng i phaisa tam an hman ti lo a si ahcun minthang a simi Hazard te pawl caah a poi ngai ding a si.
Paris Saint-Germain nih Chelsea alaikal N'Golo Kante cu Euro million 100 in cawk an duh tiah Daily Mirror nih a ttial.
Barcelona nih Atletico hmaikal Griezmann an cawk khawh lo caah Neymar tu hi PSG in kir tthan ding in an leem tthan lai tiah Spain sportnews minngei Marca nih a ttial. Griezmann nih cun Atletico Madrid nih mi thar tthattha cawk chap a timh lawng si lo in Lemar timi club lian dang nih an i cuhmi an cawk cang caah Barcelona ah ka kal lai lo tiah Australia he an chuih lai zan ah a chim.
2014 World Cup, Germany a rak teipitu Mario Gotze cu tutan World Cup ah an laa ti lo. Asinain atu hi Tottenham nih cawk ding in an duh tiah Football.london nih a ttial.
Real Madrid Manager nih Ronaldo Nakin Messi A Thiamdeuh A Ti caah Ronaldo tu hi World Cup dih in a kong fianhte dawh in a um.
 |
Real Madrid Manager Thar Bia Nih Ronaldo Lung A Fahter |
Comments
Post a Comment