University of North Carolina, USA nih American Khrihfa 500 leng cu Pathian a muisam zeibantuk dah a si hnga, tiah an hal hna. An chimmi Pathian muisam hi an deuh sual hnga maw? A tang hmanthlak khi zoh.
Pathian hi ahohmanh nih an hmu ballo. Jesus tu cu Vawlei a nun lio ah an rak hmuh. Nihin ah cheukhat nih Jesus cu Asian a si, Black a si, Arab a si, Indian a si, asiloah mirang a si tiah a phunphun in a i ti cio.
Asinain Pathian muisam cu hohmanh nih an hmuh lo zong ah "Kanmah he aa lo in minung kan ser hna lai." a rak ti, i minung muisam bantuk cu a si lai tiah ruah a si. Tuanbia cauk pawl ah Pathian cu khahmul a ngei, a sam sau.
Newsweek nih a ttialning ah biahalnak ah aa telmi hna nih Pathian hmanthlak suai ciomi tampi an zoh, i Pathian he aa lo bik ko tiah an zumhmi kha an sawh. Cu an sawh ciomi hmanthlak hna cu an pehtonh, i hmanthlak pakhat a chuak.
 |
| Hmanthlak tampi an zoh hnu ah mah hi mui hi Pathian mui a si lai an ti. Foto: ILL |
Hlathlainak a tuahtu University nih hmanthlak tapi an zohter hna i a thimtu hna nih anmah le sining hoih cio in an thim. Liberal deuh nih nu he aa lodeuhmi (feminism) kha an thimdeuh ve i Conservative a sideuh mi nih pasal mui sam a kengdeuh mi kha an thim tiah an chim.
Pathian hi miphun hoih in muisam tampi a ngei timi an hmuh khawh. Asian an hal hna ah Asia lei mui a kengdeuh, minak an hal hna ah a dumdeuh ve, i European an hal hna ah a ngodeuh ve i Greek lei mui hna a lodeuh tiah Newsweek nih cun a ttial.
 |
| JESUS A THATTU AH NAA TEL MAW? |
Comments
Post a Comment