Wikileaks dirtu le internet in Vawleipi a hnintu Julian Assange cu Ecuadorian Embassy in London ah kum ruk leng aa thup (refugee in) cang i Ecuador nih president thar an hun thim hnu in a caah thinphang a si ko tiah CNN nih chirhchan tampi he a ttial.
Assange hi Sweden nu nih a ka tlaihhrem a ti caah tlaih an zalh i ka si lo a ti caah Ecuador a fuh i Asylum a rak sokmi a si. Sweden nih a Case an phih piak cang nain USA nih tlaih an duh peng caah Embassy in a chuah ahcun UK palek nih tlaih i USA ah kuat ding a si caah inn chung ah kum ruk a um cang.
USA nih tlaih an duhnak a ruang cu USA kong biathli tamtuk a fir, i a phuan caah le Russia sinah USA kong tamtuk a zuar tiah an ruah caah a si. A bikin 2016 USA Election ah Hillary Clinton email vialte Wikileaks nih an phozar, an zuar i Russia nih an duhmi an tuah khawh tiah an ruah caah a si.
- Mah caah Trump nih president thim lio Campaign ah "I LOVE WIKILEAKS" tiah a rak chim. A tang youtube ah zoh khawh si. Asinain Assange nih "Trump campaign ah contract tuah ding an rak ka chawnh." tiah a luancia thla ruk ah a rak chim.
Ecuador nih president thar an thim i USA nih Assange hi na tlaih na kan pek lai, tiah a phunphun in an leem, an tlirhkhonh.
Atang ah cabia aa peh
 |
| Nobel Peace Prize A Hmu Ding Ah Zumhmi Hna |
USA Department of Justic nih Julian Assange tlaih hi a biapimi kan hmuitinh a si tiah an chim caah UK Cozah hi Assange sihni (lawyers) pawl nih an zum ti hna lo. A taktak tiah cun USA cozah (Obama cozah chan in.) nih Assange tlaih khawhnak phung le lam hi kum riat chung an kawl cang. Cu hlan cu UK cozah nih USA sinin Assange tlaih fialnak an cohlan le cohlan lo an chim duh ballo. Asinain Julian Assange hi USA ah kan kua lai lo ti zong an chim ballo, tiah a sihni nih an chim.
WikiLeaks nih kan Vawleipi hi zeimaw cu a thlen hrimhrim ko ti a fiang i a tthalei maw si a chia lei timi cu hngalh a si lo. USA caah cun a poimi a rak tam ko rua, Hillary Clinton hoi hna nih cun atu a ummnak Ecuador Embassy khi rocket in kah a rak duh kong a rak chim.
Relchih: Edward Snowden cu hodah a si?
USA nih an huat tuk nak pakhat cu Snowden timi pa, mipi sinah NSA nih a thli in an tuahmi le an rianttuannak a phuangtu kha Ecuador nih bawmh ding in a rak ttanpi caah a si. Snowden cu Russia ah a um ko.
Cuvial si chung seh, A hringmi tete khi click lawng na fiang deuh lai.
Cc: CNN
Comments
Post a Comment