North Korea vice foreign-minister Choe Son-hui nih american vice president Mike Pence nih "politics neek-nak" a tuah i thil thei huaha lo in bia a chim tiah a chim. Foto: LATIMEs
Mahti a chimnak a ruang cu Mike Pence nih Fox News he tervio an i tuah lio ah North Korea nih president Trump hi kan hlen khawh lai tiah ruat hlah u, cuti a si ahcun Libya bantuk in nan ram hi kan tuah lai, tiah a chim.
Relchih: Iran-Deal A Hrawh Ruang Zeidah Cang Kho?
– North Korea cozah sinah Atom-program hrawk u law nan ram caah bawmhnak kan in pek hna lai tiah kan fuh hna i kan hrawh ve lai an ti nain atu hi an biakam let an i tim. Atom-program hrawh ding an i leet a si ahcun Libya-model kan hman lai tiah Mike Pence nih a chim tiah Time nih a ttial.
North Korea thin a phawh.
Choe Son-hui nih Pence cu fiang tein a chimmi a hngal lomi a bo sawhmi a si tiah a ruah i North Korea le Libya hna tahchun cu, a molh ko lo hlae, tiah a chimmi BBC nih ttial.
– American vicepresident kaa in mah bantuk molh le zei thei lomi bia a chuah hi cu ka khuaruah hi a har ngaingai ko, tiah a chim.
– USA he bia i ruah ding zeitik hmanh ah kan nawl in kan hal lai lo. USA nih iton a duh i, asiloah atom-power ram veve hmaitonh a duh a si ahcun hmailei cu tihin um ti hna hlah seh. An bia kan i hlan a si ahcun, USA nih a rak ton ballomi le an ruah khawh lomi tiang in daite le nemte in kan um kho ve ko, tiah Choe Son-hui nih a chim.
North Korea le USA hruaitu hna cu June 12 khi Singapore ah iton ding timhnak an rak ngei.
USA lei i an biachimmi pawl le Korea ah ralkap training an tuahmi ruangah North Korea nih itonnak cu kan i leet kho men hih, tiah a ti hna hnu in atu bantuk in an bia a hun san hi a si.
Mike Pence hi politics thiamsang hna nih ruah lopi in Trump hi thi seh, asiloah a rian phuak hna sehlaw, president a ttuan kho ding a si lo, Trump ruah nak aa hrawm le a cawng mi pei a si hi tiah kum 2 a tlin hlan in an chim cangmi pa a si.
Libya Model kan van ttial tthan lai.
A tang ca hi na rel cang maw?
 |
Trump Nih Korea Kong Ah Teinak A Hmu Rih Lo |
Comments
Post a Comment