American president hi zeitluk fim le thiamnak sang ngeimi dah a si awk si, timi hi Trump White House a luh ni thawk in rak ceih lengmang a si. Mi pakhat zeitluk indah ruah khawhnak le hngalhnak fimnak an ngeih timi cu an sianginn kainak dah kan zoh ti lo cun a cuaithlai a har ngaimi a si.
Kahin
U.S. president a ttuanmi vialte chung in fimcawnnak tampi a ngeimi le tulio president zeitluk dah a si timi kan van ttial. ( Hmanthlak: Trump hlan ttuanmi a nung rih mi U.S. president hna. BusinessInside).
1. Richard Nixon
Richard Nixon cu U.S. president tuanbia ah fimcawnnak tambik a ngeimi American president a si. Nixon cu Whittier College le Duke University of Law in sianginn a limmi a si.
Excite Education nih a ttialning caruk (library) ah caan tam tuk a rak hman caah "Iron Butt" tiah an rak kawh phah. U.S president 37.nak a rak si. U.S. president tuanbia ah president ttuanlio i a chuah tak (resigned) hmasa cem cu amah hi a si. Republican party!!!
2. Bill Clinton
Bill Clinton hi a ca cawn caan sau bak vemi a si i U.S. president hna lakah fimcawnnak ngeibik pahnihnak a si. A rak kainak sianginn pawl cu Edmund A. Walsh School of Foreign Service at Georgetown University, University College, Oxford University (degree lak tiang kai lo in a kir.), cun Yale Law (a nupi Hillary he an itonnak sianginn) an si. A umnak State i politics ah minthang a hun si tlamwpal ah U.S. president 42.nak a rak tling. Democratic party!!!
3. George W. Bush
George W. Bush zong hi U.S. president hna lakah fimcawnnak sang a ngei bak vemi a si. Yale University (history) in aa lim. Cun Harvard Business School ah MBA degree a rak lak i kum kul le ruk hnu ah U.S. president 43.nak a ttuan ve. Republican party!!
4. Barack Obama
Barack Obama cu fimcawnnak sang a ngeimi U.S president minzacin ah aa tel ve. Aruang cu catang sang ngai a si. Occidental College in a awng i Columbia University ah political science a lim. Cu hnu ah Harvard Law i a sangbik simi J.D. degree a lak. Thesis a ttialmi cu leicung zuar khawhbik a rak si.
Democratic party!!1
5. John F. Kennedy
U.S. president 35.nak a simi John F. Kennedy zong hi fimcawnnak sang a ngeimi a si. Harvard ah international relations in aa limmi a si i Bachelor of Science zong a lim tiah Excite Education nih a ttial. Sianginn a kai lio ah “Appeasement in Munich” timi Thesis a rak ttial i "Why England Slept" timi min in rak manh ngaimi cauk ah a cang. Democratic party!!!
6. Woodrow Wilson
Woodrow Wilson cu 28.nak U.S. president a rak si i fimcawnnak sang ngei taktak vemi a si. Johns Hopkins University ah History le Political Science in Ph.D. a ngah veve. Excite Education nih a tialning ah an chan ah cun German cawn a rak herh hi degree a laak chih. Democratic party!!!
7. Gerald Ford
U.S. president 38.nak a simi Gerald Ford zong hi a molh chupchap rak timi a si nain zaanglek lei a thiam ngai i fimcawnnak sang a ngeimi a si ve. University of Michigan i a rak kai lio ah "College football national championships 1932 le 1933" a rak teipi hna. Economics in degree a laak i Yale ah Coach a ttuan pah in Law degeree a rak lak fawn. Republican party!!!
8. Donald J. Trump
A donghnak ah G. Ford he aa lo ngaimi Donald Trump a hung chuak. Trump cu sianginn aa thlen tam ngai. Anmah lio min ngei Ivy League timi sianginn ah a rak kai. Zei degeree a lak timi a langhter duh lo. A dang a kainak pakhat cu Fordham University a si i a kai cuahmah lio ah University of Pennsylvania ah aa tthial i kum hnih a kai hnu ah Economics in Bachelor's degree a rak lak.
Trump sianginn kainak le degree lakmi hi The New York Time nih a cacawnnak an hlat tikah “the commencement program from 1968 does not list him as graduating with honors of any kind.” tiah an ttial. Cun The Washington Post zong nih Pennsylvania a luhnak interview he pehtlai in a upa a hawi nih theihthiamnak in rak luhter seh law a dawh.
Cc: CS/ Excite Education
Comments
Post a Comment