United Kingdom ah a pemmi/ refugee in a lutmi na si ahcun British Agent MI6 si khawhnak a lam an onh. Mah cu MI6 nih sungthoh (spy) cawm ding kan laak/ kan cohlan tiah caw-ngia a tuah. Cu hmanh ah mipeem hi a kawl khun lai ti a si.
- Zeitik hmanh ah MI6 ah/ caah rian kan ttuan lai lo a timi pawl ko nih a thar in ruat tthan hna eh law ka duh, tiah MI6 an pu Alex Younger nih AP-news ah a chim.
An rian cu lung a laa ngaimi, fimthiamnak a herhmi le a biapi tukmi a si tiah a chim chih.
JAMES BOND bantuk cu a si lai lo. An caw-ngia (Ads) ah thlalang inn chung i Ngamaan (Shark) cu ngakchia pakhat nih a hmuh i a ttih ngai lio ah a nu nih a hun kuh. Video bia ah cun:
"Spy/agent cu thlalang inn chung i ngamaan ngang ko in zoh hi a si lo, a biapi mi thawng daite in a ummi tlaih khawh a si." tiah a fianbiknak in kan hon leh. Kan duhnak cu James-Bond bantuk i celh kha a si lo, nain James Bond he aa ralkahmi khi a si ko, tiah a chim. Agent ttuan paoh ah Action peng a si lai lo tinak.
AFP nih a ttialning ah 2021 tiang khi MI6 agent caah minung 800 laak ding an i tim.
Cu hlan cu MI6 luh duh ahcun a nu le pa hi British an si lai ti a rak si. Nain atu ahcun Asia, minak le Arab lei zong i tel khawh a si cang lai. A herh zong kan herh hna ti a si.
"MI6 ah a ttuanmi pawl hi nangmah bantuk te an si ve ko." tiah cawngia nih cun a chim.
Na lut ve lai maw UK um pawl? MI dang nih thei ve hna seh, rak Share ve.
Cc: The Guardian
Comments
Post a Comment