Minung pahnih nih an ka bawmh i kan khomhmi a si i kan miphun nih Online ca rel kan thiamdeuh nakding le Social Media ah kan himdeuh nakding biapi ah kan chiah. Chinmi online kan boruak siseh, kan lungput zong theih khawh nakding ah kan ruahmi a si.
FAKE NEWS cu zeidah a si?
Kan data hi 100 ah 100 cu a tling men lai lo, asinian Facebook group pawl i an thawlhmi Websites pin hin Laimi cattialnak Websites cu a um tuk lai lo tiah kan ruah. Cun Facebook le a dang Social Media kan zohmi ah Mutual Friends 800 hrawng kan ngei i cu pin kan friends thong 4000 deng cio ( 10 000+) chung in thla khat chung kan hmuhmi News Feed chung le comment zeimawzat chung kan hmuhmi an si.
A tanglei thil hi kan hmuh khawhmi cu an si:
# Chinmi Facebook le Social Media a hmangtu chung hin 65% leng nih minung kong an ceih. News Feed i an sharemi ah cun a tlawmdeuh nain Comment i kan ceihmi hi minung kongdeuh an si, Idea le Vision kan ceihmi 6% a tling lo tiah kan ruah/cohlan.
# Laiholh website 80% leng hi News le Chin/Lai min an pu. Asinain Chinram / Myanmar thawng le Laimi thawng an ttialmi cu 20% a tling lo. News min pu vemi Website nih News nakin news a si lomi an ttialmi a tamdeuh.
# Laiholh website ah an ttial tam cemmi cu Tlaihhrem le lainawn thawngpang hi a si, i April 28 in May 27. 2018 karlak lawng ah an ttialmi 89% nak tlawm lo hi tlaihhrem, lainawn thawngpang le news manipulatetion an si.
# Tlaihhrem le Lainawn kong an ttialmi hi Kan mah miphun chung kong nakin miphun dang le ramdang i a cangmi kong 80% leng a si. News Manipulatetion caah an hmanmi hi Sex/ nu taklawng le ttihnung hmanthlak (titles) pawl an si.
# Facebook le a dang Social Media ah Chinmi nih kan sharemi a tamdeuh cu thil ttha, ruahnak ttha le i tthathnempimi si lo in Nihchuak, capo le tthanchonak a pe lomi hi an si. A taktak ah cun Social Media ah cawntlak, tthanchonak le thil ttha a chuahpi khomi Share ding hi tampi a um ko.
# Laiholh website pawl nih Mizo holh an lehmi a tam ngai tiah kan hmuh.
# Chinmi nih Facebook le Social Media ah kan postmi a tthatdeuh zong ah miphun dang post mi Share le zoh a tamdeuh ti zong kan hmuh.
Chin miphun cu milu tlawmte kan si. Kan miphun tthancho khawh nakding ah kan si khawh ning cio le kan ti khawh ning cio in kan thil ti khawhnak hna hi kan hman cio a herh ngaingai. Nihin ah Laimi nih ca ttha rel ding tampi kan ttial, kan rel le ngeih a herhmi a si. Catial khawhnak na ngeihmi khan kan miphun caah a tthami zeibantuk dah na ttial na thlah khawh ve lai?
Like / Share
Comments
Post a Comment