Arsenal nih Manchester City i Assistant-manager a simi Mikel Arteta cu Wenger rian kaltakmi pek an timh caah Pep Guardiola nih mi dang a kawl cuahmah. Yahoo! nih a ttialning a si ahcun Guardiola nih Iniesta hi bawmtu ding ah lak a timh. - Iniesta cu World Cup a dih hin cun Barceloa le Spain ah a chuih ti lai lo tiah theih a si.
Mikel Arteta cu Arsenal player pawl nih an duh lo ngaingai tiah theih a si nain Wenger le Club ngeitu nih an duh ko caah biaruahnak an ngei i Arteta nih lawm tak in a cohlan hna tiah Skysportnews nih a ttial. Arteta hi Arsenal i a chuih lio te in Captain zong a ttuan pah i an chuih ning kong ah a ruahnak chim le a chuih tti hawi siksak a hmang ngaimi a rak si.
Manchester City i Assistant a ttuan chung ah Guardiola nih a thangtthat ngaingai. A ka bawmtu ding ah um rih law aa lawmbik ka si hnga nain a hmailei caah Arsenal i a kal zong ah a ttha tuk ve ko hnga, tiah a chim. A rauh hlan ah Arsenal nih an manager thar ho a si kha an thanh colh te ko lai tiah Journalist nih an ruah.
Neymar Interview An Tuahmi na rel cang maw?
Mirror nih a ttialmi cu Manchester United nih Monaco-back Djibril Sidibe (cung hmanthlak i guardiola he cuangmi khi) hi an cawk khawh deng cang ti a si. An cawk a si ahcun hnukham pahnih zuar a timh hna. FA Cup a teipi hna lo a si ahcun Mourinho caah hlawh a tling lomi kum a si lai.
World Cup England Team ah aa tel lomi goal-bawh Joe Hart cu Wolverhampton le Southampton nih an i cuh. Arsenal alaikal Jack Wilshere cu England squad ah aa tel lo i "Tel ding ah kaa tlak ko nain an ka telh lo," tiah a chimmi ruangah Twitter le social media ah sawisel a tong ngai.
Wayne Rooney hi USA i MLS-club a simi DC United ah chuih ding a si. A dih tik i England a kir tikah Everton ah manager ttuan ding in innka an hun piak tiah Daily Mail nih a ttial.
London Evening Standard nih Manchester City manager hlun Manuel Pellegrini cu West Ham manager ding ah an duhbik mi a si tiah a ttial.
Everton le United manager a rak simi David Moyes cu Stoke nih an duh ngaingai tiah The Sun nih a ttial.
Football Thawngpang Bultan Dang Tete na rel cang maw?
Comments
Post a Comment