World Cup cu ni 15 lawng aa duh cang. Asinain Club ngei pawl cu a ralaimi 2018/19 season caah fakpi in rian an ttuan lio a si. Nihin bawlung thawngbang dang kan luh hlan ah Argentina hi World Cup ah ttih ngai ding a simi May 29. i Messi Hat-trick a ngeihnak van zoh hmasa usih.
Manchester United
Manchester United hi Mourinho kut chung ah tthanchonak ngaingai an ngei lo i Mourinho nih a chimmi cu mi ttha kan cawk khawh lo caah a si, ti si. Cucaah United ngeitu hna nih a duhmi cawk piak an timh.
BBC nih a ttialning ah Porto kehlei back Diogo Dalot hi Manchester United nih an cawk hmasabik mi a si lai. Kum 19 a si i ngakchia sinah a chuih pah in Porto caah puai ruk a rak chuih. Asinain Mourinho lung a ton ngai caah Euro 20million hrawng in an cawk lai ti a si. Antonio Valencia cu a zuar lai lo caah michawngtu a si chung lai tinak si.
Champions League an tei zan ah Bale nih Real Madrid i chuih caan a ngeih lo tukmi a lungfahnak a chim. Atu hi Manchester United nih cawk ding an i tim i a man belte Euro 100million leng a si caah an i ruat lio.
PSG nih Neymar Euro 100million leng in an cawk hnu in Vawleicung bawlung thilman cu van a tawng cang. Lazio i an i bochan tukmi Sergej Milinkovic-Savic cu Manchester United, Juventus, PSG le Real Madrid nih an i cuh. Asinain Lazio ngeitu nih Euro 104million lo in kan siang lai lo tiah Football Italy ah a chim.
Liverpool hi mi a caw hmasa pawl an si, i Monaco alaikal Fabinho an cawk. Atu hi Roma goal-bawh Alisson cu Euro 95mllion an chuah khawh ahcun an i lawipi khawh lai ti a si. Champions League Final ah goal-bawh nih a hloh hna caah a thiam bakmi cawk an herh ko. A tang Facebook Page hi a LIKE rih lomi nih rak Like ve.
Manchester City cu Premier League an tei nain mi thar cawk an duh rih, a bik in Yaya Toure a chuah hnu in alaikal lak chap an duh i Leicester City alaikal Riyad Mahrez hi an hal hna tiah Express nih a ttial. City nih Euro 80million cu chuah hauh dawh in a um.
Talksport ttialning ah Arsenal le Real Madrid nih Atletico Madrid an hnukham Jose Gimenez hi an ngiar veve. A tlawmbik Euro 58million a chuah khomi nih i lawipi khawh ding dawh in a chim.
Chelsea kehlei hnukham Alonso a thiam ngai ko nain Barcelona hnukham Jordi Alba hi cawk an i tim tiah theih a si. Mah cucu Manchester United nih kanmah sintu ah ra ko tiah Alba cu an leem cuahmah lio a si tiah Sport nih a ttial.
Nihin thawngpang cu hi vialte hi a si. SHARE ve.
Comments
Post a Comment