Facebook a Strict chin lengmang. A luancia thla ruk in nihin tiang ah Facebook Account deu (fake fb. acc.) 1.3 billion a phih cang tiah an Facebook company thawng a thanh.
May 15. ah Facebook nih thawng a thanhmi ah cun an company nih hur-duhnak le thinlung chia tuahsernak (Sexual & Violent) hmanthlak pawl, cun ralhrang le huatnak langhternak vialte kan do, an kham.
Hiti an tuahnak a ruang cu USA election ah Russia aa tel timi kong in a chuakmi mualphonak an ton hnu in a si. Cucu Cambridge Analytica (CA) timi buainak kha a si i Facebook hmangtu 583 million leng cu CA nih an rak hman i Trump kong Caw-ngia an rak barh hna kong a si. Facebook nih a theih ko nain a rak kham lo caah Congress ah fakpi in mawhchiat a rak tong. Hmanthlak hi Facebook ngeitu Marc Zuckerberg congress biahalnak an tuah lio a si, Reuters.
Facebook ahhin min-deu (fake account) a hmangmi an tam tuk i mah hna pawl ko hi duh paoh in mi a ti ngammi, comment ngammi le thil ttha lo a tuahtu an si timi fiangte in an phuan. Fake acc. siseh hmanthlak ttha lo pawl khamtu le delete ding ah Artificial Intelligence timi sehzuk pawl an hman hna.
FACEBOOK nih phung a ser tharmi:
Cambridge Analutica buainak hnu in Facebook nih phunglam tampi a thlen. An phung thar cu an company website ah an tar i a tanglei ahhin a biapi deuhmi tlawmpal kan ttial.
2017 ah biafang thar a larbik an thimmi cu FAKE NEWS timi a si. Fake News hi cu Facebook ah post khawh si ko seh a reltu zahzat, mah te in i tuaktan ko hna seh. Media cu a biapimi a si tiah Fake News an onh. Laimi caah a ttha ngai.
Criminal le tuahsernak chia:
FB company nih hi kong ah nawlsang bik a ngeih i zeibantuk dah Violent a si i Crime a si timi an zoh lai. USA upadi he itlak in an tawlrel lai.
FACEBOOK Ah Post Ngah Lomi:
1.) Minung pakhat, phu le hmun pakhat khat kong phuannak, phundang in chim ahcun a sining phuan ruangah a caah harnak a tong ding a simi na phuan ding kha facebook nih a kham.
2.) A puak khomi Bomb, meithal tawnghtham ning cawnpiak siseh cu bantuk thil zeitindah an cawk timi cawnpiaknak pawl post an duh lo. Caan karlak chung cu Facebook ah phungnig meithal zuar an onh rih.
3.) Ritsii a simi bing, shechok le a dang cozah kip nih an khammi sii pawl zuar le cawk na duh lo.
Tihning minung le phu kong:
1.) Pumpak asiloah phu (org.) an si zong ah ralhrang phu, huatnak a sertu phu, lainawng le minung cawk zuarnak a tuahtu, cun Violent le Criminal tuah khawhnak lam a sialtu han cu Facebook in zungzal phih an si lai. Tha a petu ca tar le hmanthlak a tartu zong facebook in dawi an si lai.
2.) Fir, mihlen le online website in mi a hlengmi vialte siseh, mi mualphohnak le a buaktlak in huatnak le violent a tuah le thapeknak a tuahmi paoh facebook nih a duh lo. Criminal kong biasawngtlorh le ceihhmainak cu caan karlak a onh chung rih.
3.) Thildik ttanhmi post pawl cu a onh, nain buainak a chuahpi khomi le chuahpi ding in sawmnak le thapeknak ca pawl a si lo ding a biapi.
4.) Mah tein i thahnak, ngakchia he Sex tuahnak asiloah ngakchia sex lei lampialpinak le taklaawng hmanthlak/ Video pawl hi an kham. Facebook ah na nupu/va maw na nungak/ tlangval maw mi dang kha sex in siseh mualphohnak tuah an duh lo.
5.) Mi ti hram, nehsawh in tuaitam le mi limhang hrawhnak phundang in chim ah cun pumpak a covo a hrawkmi ca le hmanthlak tar an duh lo.
An phung thar a ling in Facebook Company Website ah rel, laica in a fiang lomi na hmuh cun van kan chim ve.
Share this Post!!!
Comments
Post a Comment