Ram le miphun a daw tukmi MP hlun Pu Lian Uk nih a chan lio tuanbia, politics, Chinram kong le nunphun kongah a ttialmi cabia hi a tam hrinhran. Kan holh, bia le hla a tthancho khawh nakding ah fakpi in aa zuam ti theihpinak ah a cabia (cathluan) pawl siseh amah kong cauk in chuah ding CYONA nih an rak timh tuah bal (zei a lawh ka thei thai lo.).
Tu zarh ah khan Pu Lian Uk nih E-groups ah Laiholh a zorchuk sual lai tiah a thinphannak ca tawite a rak ttial. Anih cu hawidang bantuk in Social Media a tawngthammi a si lo, Email deuh in ca a ttialmi a si i Online catial pawl hi tampi cu a zuldawi lai lo ti a lang ngai. Cucaah a thinphanmi si dawh ngai a si.
"E-groups pawl ah Email in rel ding Laiholh ca chuah le cathluan hi a um ti lo tluk a si cang. Chinram chung ah tambik nih theihmi Hakha/Falam holh hi email chungah rel awk a um ti lo i a zorchuk tinak maw a i, a tthangcho tinak dik a si." tiah a ttial.
Mah hi a ttialnak aruang cu Tedim lei hi E-group zong ah an holh in cabia ttha le Journal tete an thlah, an ttial peng rihmi a hmuh i Hakha holh hmangmi hna nih Email ah ca kan ttialti lo caah Laiholh in a zor lai ti a phan caah a si.
Online in Website pakhat cio i tuah in ca kan tialmi hi Editor zong um lo, zohfeltu zong ngei lo in tholung le ar congthai bang heh tiah kan thai cio caah Holh tthanchonak a si lai lo tiah lung ah a um. Cucaah lungfim deuh nih miphun dawtnak he caholh lei ah thazang nan lak deuh cio i felfai deuh in tawlrel, ttial le chuah piak kan zuam piak cio u.
Photo: CMSP/youtube
Comments
Post a Comment