Microsoft dirhtu le Leicung mi rum cazin ah a rumbik kum tampi a peh cangmi Bill Gate (kum 62)nih avoi khatnak bik Trump he an iton ah Trump nih a khuaruah a rak harter ngai ko rua. (Foto: ABC News)
American Tv-channel MSNBC nih chawlet le mirum taktak a simi Bill Gates nih USA president he an itonnak kong a chimmi bia an ngeih. Tuzing ah media kip nih an hun char i an ttial. (Atang ah khin video zoh).
- Donald Trump hi President i an thim hlan cu voikhat te hmanh ka rak tong bal lo. Kan dirhmun a rak i khah kong caah ka rak hrialmi pa a si, tiah hlawptlo ngai cun a chim.
Internet Nih A Kan Khamh Lai Maw? timi hi na rel cang maw?
- Asinain president ah an hun thim, i 2016 december ah khan amah he iton ding in ka va kal. Trump Tower ah kan rak i tong i hlathlainak- le thil a thar in sernak (research and innovation) kong biatak tein ka rak ceihpi tiah TV-channel ah cun a chim.
Kan Vawleipi thlennak a chuah khawh nakding ah thil pipa ngaingai tuah ding in Bill Gates nih Trump cu a chimh.
- Tonnak i kan ceih cemmi cu Energy, Health and Education hi an si. Thil a thar in ser le thlen hi aa hmaithlak ding ah ka nolh lengmang ee, tiah Gates nih a chim.
HIV-khamnak le damhnak hi Gates nih a chimmi ah aa tel.
- Mah cu kong ka chim cun Trump nih HPV le HIV hi an i dang maw tiah a ka hal. Mah hna pahnih hi an cawhmeh bal theng hna lo tiah ka leh, tiah Gates nih a chim.
HIV cu thisa a derter i kan pum ah zawtnak le fahnak duhsah tein a chuahter khomi Virus a si. HIV Virus nih AIDS zawtnak a chuahter. HIV hi homosexual (ngeih khat pawl) sin in a chuakdeuh i mi dang he Sex va tuah in aa chonh khomi a si. HIV i chonh a tamcemnak cu sii-tthim le siirin a si. Mi hman cia sii-tthim hman lo ding. HPV zong hi Sex tuahnak in aa chonh kho ve mi a si, nain van chiat ahcun cancer a chuahpi khawh ve.
Former Secretary of State Rex Tillerson Bia:
Gates le Trump hi 2017 march, White House ah an rak i tong tthan. Bill Gates cu mirum tuk a si lawng si lo in zawtnak phun tampi in kan i khamh khawh nakding ah Kaa-kuai-sii (Vaccine) phunphun sernak a tuah i a bawmtu a si. A nupi Melinda he Bill & Melinda Gates Foundation an derh i ram siifak pawl i ngakchia pawl caah Kaa-kuai-sii tampi a chuah le a bawmtu an si.
- Kan i ton avoi hnih ning in Kaa-kuai-sii kong hi a ka hal. Cu ti a ka halnak zong cu Kaa-kuai-sii hi thil ttha ah a ruah lo caah a si, i Kaa-kuai-sii a chiatnak lei chimphuan le rianttuan aa timhnak kong a ka chimh.
- A si lo, ka ti. Kaa-kuai-sii na doh a si ahcun a poi tuk lai, tuah bak hlah, ka ti.
Never before seen footage obtained exclusively by All In shows Bill Gates discussing meetings with Donald Trump #inners pic.twitter.com/GouJwYKghi— All In w/Chris Hayes (@allinwithchris) 18. mai 2018
Cc: MSNBC
Comments
Post a Comment