Tu kum New York i UN General Assembly ah Daw Aung San Suu nih Pu Henry Van Ṭhio, Vice-president a rak thlah. Thei VP H. Van Ṭhio nih a rian tling ngai le thiamngai in a rak ttuan ve i Chinmi kan lung a hmui, kan thangtthat ngai cio. Amahbelte Suu Kyi nih amah a thlahmi kong ah Suu Kyi a ralchia tuk i ralsa terh ah Henry Van Tthio a kalter ti a rak si, cun cheukhat nih Kawlte mi hman sawh kan si ko tiah hmuhning a rak i dang cio.
Zei a si hmanhah UN ah Kawlram aiawh in tuanbia kan ttial i lunglawmh ding a si. Hmailei ah rian lian le Vawleipi he i rual in rian ttuan khomi a si chinnak bawmtu si hram seh.
Daw Suu Kyi nih Vice-president a rak thlahnak a ruang hi theih nan duh cio lai. Zeidang pi cu a rak si lo, pakhatnak ah ralkap an rak ttih hna ruangah a si ko.
Rakhine State i Bangali kong buainak a fahtuk tikah UN le Vawleipi nih Daw Suu Kyi cu an rak sik tuk i a phunphun in an rak ttihphaih, pehtlaihnak phih ding tiang in an rak tlirkhonh. Asinain a taktak ah Rakhine State buainak ruang zong ah a simi, cun ram chung politik ah Suu Kyi nih harnak lianpi a rak tonmi a hmu kholomi an rak tampi timi cu thawngca le social media in a lang.
Mah lio caan hi President U Htin Kyaw a dam lo caah Thailand siizung a um lio a rak si. Cun Rakhine kong a buai tuk cang ruangah ralbawi Min Aung Hlaing le a naule nih Rakhine ah "State of emergency" timi Rakhine in luh le chuah khapnak, asiloah Ralkap nih runvennak tuah ding an rak i tim tiah Irrawady nih a ttial.
Mah cu a rak si caah Daw Suu Kyi nih New York i UN-GA ahRakhine kong va i silhnalh, le thil sining va chim ding ah a kal a si ahcun U Hthin Kyaw a um lo caah Vice-president I. a simi U Myint Swe kha cozah ah nawlngeihnak sangbik a tlai ding a si i amah cu ralkap le UDSP a si caah fawite in General pawl nih an duhmi "State of emergency" cu Rakhine ah a tuah colh khawh hna. Cucu Daw Suu Kyi nih Rakhine buainak aa ot a ni khatnak in tuah lo ding in a rak khammi a si.
A tang ah cabia aa peh
 |
Relchih: Rakhine Buainak Live Show Le Suu Kyi Dirhmun |
VP U Myint Swe cu General-sang ngai a rak si bal i U Thein Sein cozah tangah Yangon i Chief Minister a rak ttuanmi zong a si. Suu Kyi nih a hngalh tukmi a rak si i Rakhine kong New York ah a va chim rel lennak in ram chung ah um i inn-hngah kha a rak i thimdeuh.
President U Htin Kyaw cu siizung in a ttum cang nain Daw Suu Kyi nih Prague tlawn ding a rak itimhmi cu aa let i Brunei to ah a va tlawng. King Sultan Haji Hassanal Bolkiah siangpahrang a sinak Golden Jubilee ah a si i Asia i ram hruaitu tampi a rak ton hna caah Rakhine kong cu an rak hal i chimrelnak a rak ngei kho ti a si.
Rampi kahdaihnak an tuah mi a nuar tuk. Cu lio ah Neypyidaw ah nawlngeihnak i cuhnak, i ertaunak a tthang chin lengmang ti a si. Gen. Min Aung Hlaing nih nawlngeihnak sangbik a duh tuk nain National Defense and Security Council (NDSC) nih hnatlakpi a herh tiah Phunghram ah a um ti a si. Mah cu nih cun 2008 phunghram i ralkap nih zeitik paoh ah "state of emergency" cu an chuah khawh timi zawn kha a kham chungmi a si. President lawnglawng nih Commander-in-Chief of Defense Services and Home Affairs hnatlakpinak in "State of emergency" cu a chuah khawh. The Commander-in-chief (Minaunghlaing) he aa dannak, a si i Parliament zong a chawn ta hna a herh.
Foto: South China Morning Post
----
Note: the Irrawady nih "Why Daw Aung San Suu Kyi Shunned UN General Assembly" tiah October 16. ah a rak ttialmi fian fawinak in ttial chinmi a si. Original Text.
Comments
Post a Comment