Kum sawmli leng ramtang ah midang he pehtlaihnak ngeilo in na fapa he lawng khua nan sak hnu ah khuachung ah lut in mibu he iton tthan tikah zeitindah na ruah ve hnga? Mibu sin khua na sak hnu ah ramtang na nun kha na ngai tthan hnga maw?
2013 ah Vietnam ramtang i kum 40 chung mi dang he pehtlaihnak a ngei lomi pafa hna an rak hmuh hna i kum thum chung mibu sin khua an sak hnu ah an rak umnak ramtang/ an inn an va zohpi tthan hna. Asinain an kir taktak ti lo. Hi hna pafa kum 40 an tlau hnu ah an hmuh hna kong August 2013 ah ka rak ttial. Huffington Post le Guardian te hna nih an rak ttial ve.
 |
Relchih: Ramtang Ah Kum 40 Chung A Tlaumi Pafa Hna |
RedeTV nih cun Tarzan tiah min an pek hna i Kum 41 chung khua an rak saknak ramtang an luh tthannak cu Film an lak hna.
 |
| Kum 3 deng khua/hawi sin an um hnu ah a va kir tthan. Foto: Cerezo |
Vietnam ral ah Bomb nih an khua a rak tlak i Ho Van Thanh le a chuakka a fapa Ho Van Lang lawng an rak nung. An khuami le a chungle vialte an rak thi dih. 1972 in a rak i thawkmi a si. An khua an rak tlik tak i duhsah tein nichuah lei ah an rak kal, cun a pa nih Quang Ngai-district i tupi pakhat ah buk a sak i umhmun an rak khuar. Zeitindah an paw an i cawm hnga?
Kum sawmli chung tupi nih a chuahpimi theihaang le ram an vaihmi sa in an rak i cawm. Anmah te zong in an buk (thlaam phun) pawng ah cinthlak-mi an ngei. Thilpuan zong an khua in an i kalpimi tlawmpal a rop i a rawh hnu ah kok-kek thil chuak in an sermi pawl an i hruk. A fapa pakhat hi a nungmi a rak um ve. Anih cu an sahlawh sinah a rak ummi a si i a hnu ah a pale an nun rih a theih caah auh a rak i zuam hna nain an rak duh lo i cu ticun Vietnam cozah nih 2013 i an va hlawm hna hlan tiang cu khua an sa.
 |
| A pa he kum 40 leng khua an sakning a hmuh hna lio. Foto: Cerezo |
Ni kum November ah khan Lang cu khua a rak saknak tupu ah hmanthlak-thiam Alvaro Cerezo nih a kirpi tthan i ni nga chung a va um. Zeitluk har in dah an rak nun timi a va hmuh. Cerezo nih a chimnak ah Lang nih cun kum sawmli leng a rak umnak ah kir a duh tuk caah a herhmi thilri vialte timhtuah piak in kan zulh lai tiah a chimh tikah lungnawl lo in a cohlan colh i a thaizing ah an kal colh.
 |
| Khua an rak saknak tupi an kir lio an i dinhnak. Foto: Cerezo |
A pa nih a rak sakmi buk pawng an phak in suimilam pakhat chung deng vankil le fingtlang a zoh hna. Zeidah a ruah ti cu hngalh a si lo, tiah Cerezo nih cun a blog ah a chim.
Atu hi kum thum leng khua chung mibu sinah an um cang i an i ziak tuk cang ko tiah theih a si. "Real Tarzan" tiah min an pek hna i an kong zong Youtube ah Document in zoh khawh ding an chuah lai ti a si. Trailer rak zoh chung ve.
Hika hin Share law na hawile nih thei ve hna seh.
Comments
Post a Comment