Chakumpa (Salai Bawi Lian Mang) nih "Kaam lo kan si" timi Lai nu thangtthatnak hla a phanmi cu Chinmi hlasa ah a thiam taktak mi Sung Tin Par nih a sak tikah ruah ding hi a tam ko. "Kaam lo" cu an si nain pa tluk in biakhiahnak nawl an ngei kho lo. Chinmi kan dirhmun ah nu hmunhma kan pe lo tuk hna. Biaknak lei hi kan thiambik mi siseh law nu pastor a co hlang kho lomi, nu nih lehthah tibantuk kan co hlan kho rih lo. CBC/ZBC le CACC tibantuk zong ah GS/president an ttuan ballo.
A tanglei ah World's most powerful women top100 a um.
Chin nu hna lakah nawl a ngeibik (Chin's most powerful women) khi thim usih law, Sung Tin Par hi a si ttheo lai tiah ka ruah ko. World Economic Forum nih "Gender Gap" timi nu le pa kar i dannak zeitluk in aa kauh timi tu zarh ah report a tuah i Union of Myanmar cu ram 144 lakah 83.nk a si. Politics, economic, fim cawnnak le tthit-hruainak lei ah nu hi pa tluk a sannak a phanmi an tlawm tinak a si. [Facebook na ngeih ahcun a tang Page hi Like rak tuah ve law ca thar na rel khawh bik lai.]
Forbes nih Vawleicung nu hna lak i nawl a ngeibik mi cazin a thanh tawn i tu kum min cazin zoh tikah Germany ramhun Angela Merkel pakhatnak, le pahnihnak ah UK Prime-minister Theresa May an si. Norway Prime-minister nu hi Term hnihnak a peh khawh i atu cu 46.nak a si cang. A biapi in an zohmi cu minung zeizah dah a hruai/hip khawh hna, a uk hna, i zeitluk rian liandah a ttuan ti khi a si.
Ivanka Trump cu 19.nk a si ve. Queen Elizabeth 26.nk a si. Hillary Clinton cu 56.nk ah a tla diam fawn i top-100 chung ah USA First Lady aa tel lomi hi ruahphu ngaimi a si. Tuluk president nupi Peng Liyuan cu 51.nk a si.
Million 56. khuasaknak i ramhun lutlai a simi Daw Aung San Suu Kyi cu 33.nk a si. Ralkap nih nawlngeihnak tamtuk an tlaihhip nain Suu Kyi huham tangah aa zimi minung kan tamtuk, a thil ti khawhnak a kau tuk mi a sinak a lang.
Forbes.com ah List tling na rel zoh khawh.
Foto: Twiiter/Sarah Harman
Salai Bawi Lian Mang phanmi hla, Sung Tin nih a sakmi cu ngaih khawh si:
Speed up your blog earning by hosting domain. Need help? Mial me at: mizolife17@gmail.com
ReplyDelete