October 23. zan i London ah FIFA Awards peknak an tuahmi ah C. Ronaldo cu Leicung bawlungchuih thiambik laksawng an pek. A sunglawi tukmi laksawng cu Lionel Messi le Neymar he an rak i zuam.
Laksawng phun an tthenmi (Pa lawng) hna cu, Best Player - C. Ronaldo, Best Manager - Z. Zidane, Best Goal - O. Giroud, Best Keeper - Buffon le Team World (minung 11) timi a si.
Messi ttanhtu si hna seh, Neymar ttanhtu zong nih Ronaldo cu a phu lo tuk tu kum chung ah Goal a sutmi a tlawm tuk tiah nai hrawng La Liga a chuihmi chirhchan in an chim. Cuti a si ahcun Z. Zidane zong pek a phu hnga lo.
FIFA nih avoi 25.nk FIFA Awards peknak tuahmi hi 2016 chung i a thiambik lawngte a thim hna i laksawng a pekmi hna a si tiah an website ah an ttial. Tutan La Liga/Season (2017/18) cu a cheu (december hman dih rih lo) lawng a si rih caah telh a si lo. 2016/17 season chung i a thiambik an thimmi a si caah tutan Season thar cu telh a si lo ti kha fian ahcun lung hngiar awk um hnga lo.
Ronaldo le Real Madrid nih 2016/17 season ah Champions League le La Liga an lakmi kha biapibik ah chiahmi cu a si. Cu ruangah Zidane zong an thimmi a si ko. Oliver Giroud zong 2017 kum thawk i Crystal Palace he an chuih lio bawlung a perhmi kha an thimmi a si. 2017 May tiang an chuihmi a si caah Best of 2017 min in an pekmi a si i 2017 August in 2018 May tiang khi Best of 2018 tiah an pek tthan te lai, atuning in October ah pek rih a si ahcun.
Hmanthlak tang ah cabia aa peh
 |
Relchih: FIFA Nih 2017 Ah A Thiambik Thimnak A Tuah Lai |
Best Keeper - Buffon teh? 2017/18 season an thawk ah Juventus cu an thiam lo ngaingai nain 2016/17 ah Buffon tluk a thiammi cu an um ve tak lo.
The 2017 FIFA/FIFPro World11 zoh tikah Real Madrid lawngte an si i Champions League le La Liga (2017) teitu lawngte an si ko:
Gianluigi Buffon (Juventus) – Dani Alves (Juventus), Sergio Ramos (Real Madrid), Leonardo Bonucci (Juventus), Marcelo (Real Madrid) – Luka Modric (Real Madrid), Toni Kroos (Real Madrid), Andrés Iniesta (Barcelona) – Lionel Messi (Barcelona), Cristiano Ronaldo (Real Madrid), Neymar (Barcelona).
 |
| The 2017 FIFA/FIFPro World11 ah Real Madrid panga, Barcelona pathum, Juventus Pathum (psg dani) foto: AP/FIFA |
Comments
Post a Comment