Tulio bawlungchuih thiam hna lakah ngiat a tongbik hi Brazil hmaikal, PSG nih Barcelona in an cawkmi £220 million man Neymar hi a si. Neymar cu a thin chia, a tawi asiloah a ninghngal tuk ti a hon tong ngaingai. PSG a chuihpi hawile zong nih Neymar kong ah PSG ngeitu pawl cung i an lungtlinnak a tam ngai ti a si.
PSG a chuih hnu in Neymar nih puai hleikhat ah goal kua a sut i a hlawhtling ngaingai ti khawh a si.
Neymar hi PSG ngeitu nih a dang nakin tthadeuh in an zohkhenhmi ruangah PSG players dang nih lungtlin lonak ca an ttial tiah Le Parisien nih a ttial. An ttialmi media dang nih an leh chinmi cu:
1.) Neymar nih suimilam 24 chung pumpak Physiotherapists (taksa/thahri hmehthiam) a ngeihmi le ngeihnak nawl an pekmi hi thleidanhnak a si tiah an chim.
2.) PSG i a chuih tti mi pawl nih Traning ah Neymar hi za ah za in bawlung cuh lo ding, le phelh lo ding tiah phung an sermi an duh lo.
3.) PSG Logo hman dih a si lio ah Neymar nih a pumpak duhherh senhnak bawm ah a Sponsor logo a hmanmi an duh lo.
4.) A ralaimi kum (season) caah Neymar hi a hleihluat in PSG ngeitu nih an kamhmi le an timhpiakmi a um i cucu an rem lo ngaingai.
PSG Manager zong Neymar cungah a lungtling lo ngai.
 |
| Relchih: Neymar Hi Mi Ttha Lo Te Cu Si Ko Rua, Mi Buai Cazin Ah Aa Tel |
An manager Unai Emery nih Leicung man fakbik bawlungchuih thiam nih cun midang nih an timi, an terhmi, an namnehnak zong si ko seh lehrulh lo hi aa zuam le a cawn awk a si, tiah nai Marseille he an chuih i Red-card a hmuh ni ah a chim.
PSG manager nih NTB ah tihin a chim, "Atu hi League 1. ah a tlumtlak khawh ding aa zuam cuahmah lio a si. Nain mi thluak ttha cu a si. Nai zarhpini i a cangmi kong ah aa remh a herhmi a um zong a hngalh ko."
"Mah ni an chuih hlan ah ttha tein bia kan i ruah i buai lo ding in lungtlinnak kan rak ngei nain an van chuih taktak tikah cun tikhan a rak si ko. Bawlungchuihmi vialte minung an si dih, i ahopaoh nih lungdai te le lungsau tein um i zuam i kan rian kha ttuan awk a si ko, tiah Emery nih a chim.
Tu zan PSG le Nice an chuih lai i Neymar cu a chuih kho lai lo. Red-card a hmuh caah a zohtu tthutnak ah a tthu te lai.
Ruahnak: Mbappe nih goal a sut te lai.
Comments
Post a Comment