Europe ram Football League pawl thawknak a sau rih lo nain Club cheukhat cu mi thar cawk le zuar an hau hna i January dawr on lai lawng an hngak ko. Caan karlak ah bia chokvai tete chung in tu zarh cu Liverpool in thawk u sih.
Liverpool cu 4-1 in Tottenham nih zarhpini ah khan a tei i "Klopp nih atu a minung pawl hi aa bochan tuk sual hna a si ahcun khawika ti le tlang a phan lai lo," tiah Experts nih an chim cang. Premier League tei ding ruahchannak cu a dih ti khawh si. Kan hnu zarh ah Liverpool nih Manchester United a dawi khawh tthannak ding ah cun zeidah a herh timi ka rak ttial.
Barcelona-dirextor Robert Fernandez cu Coutinho zoh pah in zarhpini kha London a phan i an chuih zong a zoh ve. Coutinho kong ah a thar in bia i ruah le lungtlinnak kawl an i zuam cuahmah ko rih ti a si.
Real Madrid president Florentino Perez nih Zinedine Zidane hi a rian chuah cu a tim lo nain ruah lopi in Zidane nih chuah ka duh a ti sual a si ahcun Tottenham manager Mauricio Pochettino hi pakhatnak ah ka thim lai a ti tiah The Sun nih tu zing ah a ttial. Cuti a si ahcun Harry Kane zong a lak chih lai caah Pochettino nih Real Madrid i tthial cu a duh ko lai tiah a ruah ti a si.
 |
| Relchih: Harry Kane hi Benzema le Bale he Thlen An Duh |
Jose Mourihon nih Vanlencia ah a chuihmi Carlos Soler, mino a thiam ngaimi cu Old Trafford ah lak a duh tiah The Sun nih a ttial. Kum 25 a si i alaikal (middfielder) a si, a tlawmbik £30 million hrawng a si te lai.
Nihin FourFourTwo ttialning ah Zlatan Ibrahimovic zong a chuih kho tthan deng cang. Mourinho nih Zlatan hi kan herh ngaingaimi a si tiah a chim.
Nai tthal ah Everton nih phaisa tamtuk a hman nain an an tlaak tuk caah Ronald Koeman a rian phuah a si zau lai ti a si. An phuah a si ahcun an manager hlun David Moyes hi lak ding in pakhatnak ah an chiah tiah Mirror nih a ttial.
Newcastle cu anmah British chawlet Amanda Staveley timi nu nih cawk a duh ngaingai i a cawk tak a si ahcun Express nih a ttialning ah Rafael Benitez cu mi cawknak phaisa buri khat a ngei lai ee ti a si. Amanda hi leicung nu hna lak i a rumro pakhat a si ve.
Comments
Post a Comment