Khuasik a hong chuak cang. A rauh hlan ah January Transfer-window an on tthan cang lai i mi cawk le zuar duhmi tete bia chawkvai a tam chin lengmang. [A tangbik ah Maradona kong rel ding um.].
Neymar cu Barcelona in PSG aa tthial ah khan Leicung minthangbik a rak si. Atu belte Spain TV, La Portetria nih Neymar cu PSG ah aa nuam ti lo tiah a chim i PSG-manager Unay Emery kalpimi a duh lo ti a si. An manager Emery nih Neymar cu a Red-card a hmuhmi ruangah a rak mawhchiat ngaingai. Cuti a si ahcun Neymar hi aa khawika ahdah i tthial a duh hnga, asiloah TV-station nih an porh tuk dah a si hnga timi cu a rauh hlan ah kan theih te hnga.
PSG nih cun Neymar ai nuam in a thla tla tuk ko tiah zanlei ah an leh colh hna.
January a si lo hmanh ah 2018 tthal ah cun Jurgen Klopp hi mi cawk ding kawl ah aa manh lo tuk te lai tiah ruah a si.
Atu tiang cu Barcelona kut in Coutinho a runven khawh rih fafang lawng a si. 2018 ah cun Barcelona lawng an si te lai lo, PSG nih Coutinho kan i cuh ve lai tiah an chim i cawk an duhbikmi cazin ah an telh.
Spain in chuah a duhmi Catalonia khi FIFA nih ram-bing pakhat ah a cohlan a si ahcun Lionel Messi cu an ram aiawih phu in a chuih kho lai tiah The Sun nih a ttial. Catalonia ram-bing sinak an cohlan hnu ah Messi nih Argentina ca i a chuih sual belte ahcun (World Cup 2018)??? Catalonia ca in a chuih kho colh lai lo.
Everton ngeitu Farhad Moshiri nih manager rian a phuah cang. An club i a chuihmi pawl zong zuar ding paoh zuar zok hna aa tim. Cun a ralaimi January dawr on ahhin Alexis Sánchez cawk khawh ding an i zuam lai tiah The Sun tthiam nih a ttial. Sanchez hi Man City ah kal a duh ngai nain Arsenal nih Free rumro in kalter nakin cun tlawmte tel hlawk usih tiah £30 million hrawng zong in zuar an duh cang. Asinain Sanchez nih Champions League a chuih khomi Club lawng a duh.
"Juventus kha ka rak kal tak ding hrim a si lo. Italy ka ngai tuk. Ka nupi nih Spain ah um a duh, nain kei cu Italy ah kaa nuam tuk. Contract kan ngei ruangah Real Madrid ah ka rak kir i ka rak i nuam tthiam ko nain an ka tuahto ning kha Juventus ka kal hlan, ngakchia ka si lio bantuk in an ka tuah." a ti. "Atu belte cu Chelsea ah ka um i Conte hi Juventus lio in ka theihmi a si pinah Spain hawi tampi ka ngei i kai nuam ko. Asinain Italy ah cun ka kir tthan te lai." tiah The Mirror ah a chim.
Huddersfield he an chuih ah Mohamed Salah nih Penalty a goal lo caah Klopp nih penalty a chuih ding mi dang a thim tthan hna lai tiah Liverpool Echo nih a ttial.
Maradona
1986 Mexico i tuahmi World Cup zong Argentina cu pakhatnak a rak lakpi hna.
Amah chan ah Leicung bawlungchuihmi hna lakah a man tambik a rak si, (£6.9 million in Record a rak ttial). Barzil Pele he 2000 ah khan kum zabu pakhat i bawlungchuih thiambik timi min sunglawi in tthangtthatnak an pek hna.
1986 i England he an chuih lio i a goalmi cu kum zabu pakhat i a ropuibik (Goal of the Century) timi conglawmhnak an pekmi a si. Mah cu puai tthiam ah cun a kut in a goal tthan i "Hand of God" ti ah auh tthai a si. (Wikipedia)
Foto: AP
Cu vial.
Comments
Post a Comment