Israel cu Myanmar ralkap riamnam a zuarh hna i nihin i Rohingya kong a buai tuk lio zong ah idin lo in a zuar cuahmah rih caah Human Rights Groups nih fak tuk in an tawngh lio a si. Asinain Israel biaceih zung le politician pawl nih Rights Group pawl i Myanmar ah hriamnam zuar an thlauhmi hna cu an hna an i cheh ko tiah MiddleEastMonitor (MEMO) nih a ttial.
Myanmar nih Israel hriamnam company thil a cawk cangmi hi Tank 100, tilawng le Light Weapon pawl an si tiah Rights Groups nih hlathlainak an tuahmi chung in an theih hna tiah Independent nih a ttial. Cun TAR Ideal Concets timi company pakhat nih Myanmar Special Force pawl cu atu i Bangali pawl an kah hna le an buainak Rakhine ram chaklei ah Training a pek hna. August 2016 i hriam hmanning le a dangdang an cawnpiak hna lio hmanthlak zong an website ah an tar (a tang ah hmanthlak zoh).
- Isreal cozah nih kum tampi chung Myanmar ralkap (military dictatorship) sinah meithal le hriamnam a zuar cang, tiah Ofer Neiman timi Israel Human Rights Activist pakhat nih Middle East Eye ah a chim. Cun mah pawlasi hi cu Israel nih Palestine cung i a ngeihmi ruahnak le politics he aa pehtlai. Vawleicung uktu chiabik timi pawl sinah hriamnam a zuarhmi hi hriamnam hneksak duh le Palestinian donak caah a si tiah a chim chih.
Rights Groups nih an chimning a si cun Israel hi 2004 i Rwanda i a cangmi miphun hloh (Genocide) lio zongah hriamnam a rak zuarh hna tiah an chim i million pakhat leng thahnak i rak hmanmi kha Israel meithal le kuan a si tiah an chim. An meithal zuar dan zong hi puanphen lawngte a si ee ti a si.
MEMO nih a ttialning ah 2013 i South Sudan ramcchung ral lio zong ah South Sudan ralkap pawl cu Israel nih hriamnam in a cawm hna i USA le EU theih lo in a tuahmi a si. USA le EU nih an khapmi a si caah a thli in a tuah ti a si. Mah ram chung ral khan 300000 leng an thi.
A tang ah cabia aa peh
 |
| Relchih: ARSA Hruaitu hi Taliban le Islamist Terrorist pawl sinah traning kaimi a si. |
Atu bantuk Myanmar ralkap sinah hriamnam zuar hi cu Germany i NAZI nih Holocaust (Irael millions in an thah hna) lio ah hriamnam in bawmh he aa khat ko tiah Yair Auron timi Israel Open University ah "Genocide researcher" nih a chim i Israel nih mah ti hriamnam a zuar cu kan miphun ning in "Criminals" a kan canter tiah a chim chih.
Tu thla thawk ah khan Jewish Alliance of Concern Over Burma (JACOB) nih UN ah Myanmar ralkap i Bangali(rohingya) an tuahto hna ning biatak te in an rak aupi. Miphun hlohnak an tuahmi hi a rannak in kan kham a hau an ti. Cun USA le EU siseh UN chungtel hna nih Myanmar ah hriamnam zuar bak lo ding tiah an rak aupi.
Asinain Israel prime minister Benjamin Natanyahu nih a cohlang lo, zuarnak nawl kan ngei tiah a leh hna. JACOB hi The Conference of Presidents of Major American Jewish Organizations chungtel/ttengnge a si. Anmah chung lila in Israel nih Myanmar ah hriam a zuarmi a lungtlingmi an um tthiam tiah Forward nih a ttial.
 |
| TAR Ideal Concept nih Myanmar ralkap meithal hman le raltuk an cawnpiak hna lio. Foto: Haaretz |
Comments
Post a Comment