Islamic State (IS) cu khua an saknak Syria le Iraq ah USA nih a hruaimi ram kuahra nih an tuk hna i an hram an phelh khawh deng cang hna. Asinain hi ral an tuknak ah mipi (civil) 9000 hrawng tu kum ah thah chih an si.
UK i Independent Organization a si mi Airwars nih Report a donmi pakhat ah a luancia kum thum chung i Syria le Iraq ah USA- hruaimi Coalition ralkap phu nih IS an tuknak ahhin mipi 24 000 tiang an thah cang hna ti aa tial. Airwars nih an donmi Information cu biatak tein cuai an thlai, an check.
An sin phanmi report le information siseh anmah nih an hlatmi vialte an ttha tein an zohfel hnu ah biafunnak an tuahmi cu hi raltuknak ahhin US-hruaimi Coalition nih 8636 leng cu an thah ko hna tiah Airwars nih a pom.
USA hriaimi (coalition) nih Syira le Iraq i IS an um tinak hmun ah vanlawng in voi 28 000 an kah i bomb 102 000 an thlak pinah Rocket in an kah hna tiah Airwars nih a phuan.
IS Dotu Phu Nih An Cohlang Kho Lo
IS kan kahmi hna chung in voi 171 chung lawng ah mipi an thah chih an ti i a naibik in mipi 655 lawng kan thah hna ti a si. Airwars tu nih cu an chimmi 171 chung ahhin mipi 1437 an thah hna a ti.
Bomb nih a hrawhmi thil nih a phummi an ruak hmuh le char ti lomi zeizahdah an um hnga tiah biahalnak an tuah. Aruang cu thi IS an donak ah an hrawhmi cu a tam tuk i a tli le a zaammi an tamtuk ve caah cazin a fiang dih lo. Fiang sehlaw atu nakin a tam kho men.
Amnesty International nih USA a hruaimi (coalition) hi raltuk phung (international law) a buar maw timi hlathlai i biahalnak tuah ding a si, a ti.
A tang ah cabia aa peh
Nai zarh i Raqqa khua ah vanlawng bomb an thlak ah khan mipi 1300 hrawng an thi tiah Airwars nih a fianning a si i cuka khua IS hram an phelh nain thil poituk a si tiah ruah a si. Syrian Observatory for Human Rights (SOHR) zong nih Raqqa an tuknak cu an hlat ve i a tlawmbik 3250 an thi i cu chung ah 1130 leng cu mipi an si tiah a chim ve.
Raqqa an kah hnu in ruak char khawh lomi an um len caah thopaw le a rim celh a si lo ti a si.
- A tlamtlingmi kan si lo. Palhnak a tuah khomi kan si. A hleiin atu bantuk raltuknak ah cun a cang khomi a si ko. Asinain kanmah hi mi ttha cu kan si i a sual lomi mipi hna nih raltuknak ah kanmah le mi dang kan i lawh lonak an theih ko tiah hi Coalition hruaitu ralbawi Stephen J. Townsend nih September ah khan a rak chim.
Stephen nih a chim chihmi cu Airwars le SOHR nih mipi hi zat an thi a timi cu an luandeuh a ti. Asinain mipi tampi an thi chih timi cu a cohlan.
RUSSIA: IS hi kan ral lianbik an si.
A Lungtling Lomi An Um
USA-hruaimi Coalition i ral a tukning hi cu mithah le lainawn a si ko tiah Amnesty-investigator Ben Walsby a chim.
- Hi tluk Tecnology a tthat chan a si lio ah atu ralkap nih an hmanmi ttakttik hi cu a luancia kum zakhat ah rak hmang hna seh law aa tlak tiah Tecnology le information a tthat tuk chan i mah tluk mipi an thah chihmi hna hi a si kho lo tiah Stephen bia a dih tlawmpal ah Ben Walsby nih a rak chim ve.
- Sualnak ngei lo mipi khuasak nak khua ah Tank le hriam rit pawl he raltuk i hopaoh thi ko hna seh tiin Vanlawng in bomb thlak hi cu kum zabu 21 he aa tlak lomi a si. Hmailei minung hna nih an rel le an zoh tthan tikah mithah sawh a si ko tiah an chim te lai.
Trump aa nuam tuk.
Tu kum chung i IS hram pelh deng in an kah khawhmi hna hi Obama nih a rak thawkmi a si nain Trump nih thiam le tthat aa coh dih ti a si.
All Gov nih a ttialning ah Trump nih thla kua chung ah a thahmi mipi (civil) hi Obama nih kum riat chung i a thahmi nakin a tamdeuh tiah a ttial.
Cc: NTB/NRK
Comments
Post a Comment