2018 i Russia ah tuah dingmi World Cup chuih khawhnak ding Qualify- an chuihmi cu dihlei a panh cang. October ah an chuih tthan lai, i World Cup 2018 a chuih kho ding an i fiang lai. Vawleicung minthang ram hna lakah Argentina, Chile, Netherland hi thindomh in an um. USA, Australia zong a taangmi puai pawl fakpi in an i zuam a herh ve.
Syria hi an ram ral nih a chilh nain an group ah an tthawn pah ve caah Australia he Playoff an chuih lai. Tutan cu Muslim ram an i tel pah lai.
World Cup chuih ding aa fiang cangmi ram pawl cu:
Russia
World Cup dong ding an si caah annih cu World Cup chuih ding ah aa tel cia an si. Russia cu ttih ding an um lo, nai tthaal i World Cup 2018 donnak the Confederations Cup ah Mexico, Portugal nih a peh in an tei hna, i New Zealand lawng an rak tei. Premier League ah a chuihmi Russia team ah an um lo. 2010 World Cup i South Africa nak khan an tlakning zohchia deuh te khomi a si. - A voilinak World Cup an i tel a si lai.
Belgium
Puai hnih chuih ding a taang rihmi ah Russia khawh in a hmasabik World Chuih ding aa fiangmi ram cu Belgium a si. A si ding zong a si i World Cup final zong an phanh lai zumh a si. 2014 World Cup kha quarter-final ah Argentina nih a rak tei hna. 1986 ah palinak an rak si bal.
A chuihtu kan theihmi an tam. Serie A, La Liga tel lo Premier League lawng hmanh ah Michy Batshuayi, Thibaut Courtois, Eden Hazard (Chelsea lawngte), Simon Mignolet (Liverpool), Toby Alderweireld, Moussa Dembele, Jan Vertonghen (Tottenham lawngte), Kevin de Bruyne, Vincent Kompany (Manchester City veve), Marouane Fellaini, Romelu Lukaku (Manchester United veve), Steven Defour (Burnley), Nacer Chadli (West Brom), Kevin Mirallas (Everton), Christian Benteke (Crystal Palace), Divock Origi (Wolfsburg/Liverpool), Christian Kabasele (Watford).
An manager cu Premier League zong i min a rak ngeimi Roberto Martinez a si.
Barzil
Russia ah a hmasabik umnak hmun aa hlan ciami cu Brazil an si. Anmah hi World Cup ah zumhbik an si lengmang. World Cup zong voinga an tei i a tambik an si. Atu hi Leicung a manfak bikmi Neymar tel in pakhatnak lak ding an i zum. Argentina le Chile nih Playoff- tel kan chuih kho lai maw ti an i zuam lio ah annih cu Point-11 in an group an tei cang.
Ederson, Fernandinho, Gabriel Jesus (Manchester City), Philippe Coutinho, Roberto Firmino (Liverpool veve), Willian (Chelsea) hi Premier league ah kan theihmi hna an si, i Neymar cu chim hau lo.
World Cup an tei kum: 1958, 1962, 1970, 1994 le 2002
Mexico
North, Central and Caribbean Section group ah Mexico hi a fiang hmasabik an si. USA an group aa khat. Mexico hi World Cup ah an i tel lengmang ve i 1986 kha anmah nih an rak don i Quater-final an rak phan ve. Premier League a chuihmi cu atu West Ham i a chuhimi Manchester United hmaikal hlun Javier Hernandez lawng a si. Mexico hi hnukham an chambau ngai telai tiah Experts nih an ti.
Iran
World Cup ah a voinganak an i tel a si lai. Manchester United assistant manager hlun Queiroz nih a hruai hna i an hlawhtling ngai. Asinain Club lian ah a chuihmi an um lo pinah League minthang/ram pawl ah an chuih hna lo. World Cup an chuih chung ah voikhat te lawng teinak an hmu bal i cucu USA 2-1 in 1998 ah an rak tei hna kha a si.
Relchih: Argentina le Chile Itel Dawh An Si Lo
South Korea
Russia 2018 World Cup ah Asia in aa tel ding Iran khawh in South Korea hi an hon fiang i a voikuanak World Cup an i tel a si lai. Cun Asia ah anmah hi aa tel tambik an si fawn lai. 2002 i Japan he an don tti lio ah Semi-final an rak phan kha.. Premier League i a chuihmi Ki Sung-yueng (Swansea) le Son Heung-min (Tottenham) an si. Club liandeuh a dang ah a chuihmi Korean an um pah.
Japan
1998 thawk in atu tiang World Cup ah an i tel kho. 2-0 in Australia an tei hna hnu in an hnangam. Leicester City hmaikal Shinji Okazaki, AC Milan chuih balmi Keisuke Honda, atu i Borussia Dortmund le United a rak chuihmi Shinji Kagawa hi an lang ngai te lai. Arsenal nih Stuttgart an hlanhmi hna Takuma Asano zong kum 20 a si nain an ram caah goal thum a sut cang. A dang kan theihmi cu Maya Yoshida (Southhamton hnukham) a si.
Saudi Arabia
Germany i an rak tuahmi 2006 World Cup hnu in atu hi a voikhatnak an itel a si lai. Asia ah cun bawlungchuih ah a thiam pawl an rak si leng mang. 2014 zong ah Asian Player of the Year cu anmah rammi Nasser Al Shamrani nih a rak co. Club lian ah a chuihmi an um lo. 1994 kha a hmasabik WC an itel a si.
Cu vial. Facebook ah Share pah tawn ulaw kan ttial than te lai.
Comments
Post a Comment