 |
| V.P H. Van Tthio, State Counsellor Suu Kyi le President Thin Kyaw. Foto: Dagen |
September 19. 2017 chun hlan (MMcaan) ah Daw Aung San Suu Kyi (State Counsellor of Myanmar) TV hmang in Rohingya kong he pehtlai in bia a chim lai. Mah cu hlan te ah UN GS le USA nih Suu Kyi cu Rakhine buainak kong ah bia an cah.
Rakhine ramtthen i Myanmar ralkap cawlcanghnak hi a rannak in ngolter ding in le bawmhnak ttha tein a luh khawhnak ding caah cozah nih nawl onh ding in USA nih UN ah an thlahmi Ambassador nih Nikki Haley nih a chim.
Malala: Politics ka duh lo nain politician ka si lai
"Mi tampi nih tlaihkhih le thah an ton cuahmah rih. Mi bawmtu hna nih an duhnak tiang an lut kho lo. Palhnak a ngei lomi minung tampi Bangladesh ah an zaam cuahmah ko." tiah Nikki nih Reuters ah a chim.
United Nations GS nih BBC ah Aung San Suu Kyi cu ralrinnak a pek.
"Suu Kyi nih caan tam a ngei ti lo. Atu buainak le thil sining hi a thlen lo a si ahcun a ralaimi buainak le a cang dingmi hi ttih a nung tuk. Mah cu a si caah hmailei ah kan remh i kan thlen khawh tthan ding cu ka zumh ti lo." tiah Antonio Guterres (UNGS) nih BBC ah a chim.
 |
| UNGS le Nikki Hayley. foto: IBtimes UK |
USA bantuk in UN zong nih Rakhine i Ralkap cawlcanghnak le Rohingya pawl an dawi hnami hi a rannak in ngol ding in an chim ve.
Kawlram caan suimilam 10:00 hrawng ah Suu Kyi nih TV ah bia a chim te lai. Ramkip hruaitu hna siseh, NGO, RedCross, HRW, UN, Muslim pawl nih faktuk in Suu Kyi cu an mawchiat, an volhpamh ngaingai cang. A ruang cu hi kong ah a hmurka a tlawm, a cawlcang lo bantuk in an ruah caah a rak si. Tutan i a chim dingmi hi ram kip in an hna an tun cio lai.
Fianghlang tein a chim kho te lai maw? Rak ngai cio te u law nan ruahnak zong rak chim cio te u.
Comments
Post a Comment