FIFA nih "Player of the Year" thim ding ah final-list a chuahpi cang i 222.million Euro man Neymar asilole Ronaldo (Champions League le La Liga teitu), asiloah Goal 54 a sut khotu Messi nih an co te lai.
France Football he FIFA nih an pek tti tawnmi Ballon d'Or (Golden Ball) cu FIFA nih a chuah tak i January khan Player of the Year pek an rak thawk. Europe Champions a rak simi Ronaldo nih a rak co.
A min cu "The Best" Leicung a thiambik ti a si.
A cung i min tarmi pathum lakah Ronaldo hi zumhbik mi a si. Kum li chung ah Champions League voi thum a tei pinah La Liga a teipi hna.
Best Manager a si khomi pathum cu Zinedine Zidane (Real Madrid), Antonio Conte (Chelsea) le Massimiliano Allegri (Juventus) an si.
Best Keeper a si khomi ah Gianluigi Buffon (Juventus), Keylor Navas (Real Madrid) asiloah Manuel Neuer (Bayern Munchen) an si.
October 23 zanlei ah Lodon i Palladium-Theatre ah laksawng peknak cu an tuah te lai i hodah kut bengtu a si te lai timi kan theih telai.
Ram aiawh manager, captain, media phu aiawhtu cheukhat le bawlung uartu pawl nih internet in an vote* tete zoh in hi thimnak cu an tuahmi a si.
Nu zong pa bantuk in an tuah ve lai.
Cc: NTB/DB
Comments
Post a Comment