Fake News hi zeitlukindah ttih a nun i kan hrial awk a si timi tlawmte ka rak ttial. Nihin Myanmar nih kan ton cuahmahmi Rohingya kong buainak hi Myanmar ah Democracy le Remdaihnak a um khawhnak ding a dawntu a si. Sihmanhsehlaw, media i kan hmuhning tluk in thil a si dih lai lo.
Chin Media cheukhat nih Turkey/Iran tibantuk ram uktu pawl nih Kawlram kan doh cang lai an ti tibantuk kha an ttial. Fake News kong ka ttialmi ah mah bantuk kong cu a um ko, nain a hmanmi cu Muslim ram pawl lawng an si lo, ram tampi nih Suu Kyi le a ram minung mawhchiatnak an chim, lam an zawh. Mah hi lio ah Fake News a tuahmi pawl nih Muslim tamtuk lung an tthangh hna, i Laica reltu zong cu bantuk a lettu nih nan lungre an in theih hna.
September 5. ah Myanmar State Counsellor pi Suu Kyi nih Turkey president Recep Tayyip Erdogan cu Phone a chawnh khawh i Suu Kyi nih ttihnak ngei lo in a chimhmi cu Fake News le a dik lomi Information nih Myanmar i Muslim-raltho pawl a bawmh tuk hna, ti a si.
Turkey Vice-prime-minister Mehmet Simsek hrim zong nih Twitter ah Myanmar i Rohingya an thahmi hmanthlak a tarmi cu Fake a si caah a rauh hlan ah a Delete colhmi kong he pehtlai in Suu Kyi nih Erdogan cu a chimh fawn.
An i chawnh lio ah Erdogan nih atu Myanmar i Rohingya le cozah kar buainak ah a si khawh chung in mipi nunnak tawngh lo ding in le ningcang lo in Rohingya cungah nawlngeihnak hman cu hrial hrimhrim ding in Suu Kyi cu a chimh.
Relchih: Suu Kyi le Myanmar Daihnak
Atu hi India Prime Minister Modi Myanmar a tlawn lio a si i Suu Kyi he zong an itong. India ah Visa man lo in luh khawh a si cang lai timi le Myanmar thongtla 40 luatnak a pek hna timi thawngpang a phurh hna. Chawlehnak kong le ipehtlaihnak tibantuk an ceihmi tampi lakah Rohingya kong hi aa tel lai tiah ruah a si. India nih zeitlukindah a bawmh khawh lai?
Norway politicians le covo lei bu chungtel pawl nih Suu Kyi an mawhchiat tuk lio a si. Parliament chungtel pakhat a simi Abid Raja (Muslim :P) pa hoi hna nih cun Suu Kyi an pekmi daihnak laksawng cu hal tthan ding a si, Nobel-kawmetti nih an hal tthan lo zong ah (chuh khawh tthan a si lo a theih caah :P) Norway mipi nih ka ttanpi ulaw Suu Kyi nih van kan kua seh tiah a chim. Amah hi 2016 ah khan Kawlram a rak tlawng ve.
Norway foreign-minister le HRW siseh RedCross a ttuanmi pawl nih Suu Kyi cu a zatawk in cozah ah nawl a ngei ko ziah mah ti a daih, hi ti a daih komi hi cu ningzak tuk a si tiah an mawhchiat.
Asinain Suu Kyi he aa ton a tambik mi Kjell Magne Bondevik (primeminister hlun) nih cun Suu Kyi hi mawhchiat tuk ding a si lo tiah a aukanh. Aruang cu Myanmar ah Cozah lutlai a si ko nain Ralkap cungah nawl a ngei lo ti a hngalh caah le a ram chung ah daihnak a um rih lo ti a fian caah si. Raja i daihnak-laksawng chuh ding a chimmi zong "a luandeuh" tiah a leh colh.
Atu ah Internet a khek dengmi thawngpang cu Myanmar ralkap nih ramri ah bomb- an tunh (landmines) timi kha a si. Mah cu Bangladesh cozah nih an chimmi a si tiah media nih a ttial. Bangladesh ah a zam cangmi kha kir ti hna hlah seh tiah an chiahmi a si an ti.
Zei a va si zong ah thil pakhat a ummi cu Suu Kyi a daih tukmi hi a si tiah ka ruah. Ralkap cung ah nawl ngei hlah hmanhsehlaw, hi buainak he pehtlai in a awka a tamdeuh a si ahcun zeimaw cu mi tampi hmuhnak a thlen khawh lai tiah ka ruah. Abiana ah a rauh hlan ah UN nih Rohingya kong hi biatak tein an ceih tthan lai, i cu hlan ah Suu Kyi le President zung nih an dirhmun an chim i International ah bawmhnak an hal lo a si ahcun atu nak fakdeuh in mawhchiat i Myanmar cozah cung ah lungdongh a fawite.
USA le Norway nih an ram i catlap lo in a ummi le muslim-ttanhtuk (radical islam) tiah a ruahmi pawl an tthawl, an kuat cuahmah ko hna. Mah ahcun Rohingya nih Myanmar ah miphun pakhat sinak pek ding heh tiah an ttanpi hna. An duh ahcun an ram ah laa hna seh, a hleiin Muslim ram pawl nih an dawt tak hna a si ahcun an ram ah laa hna seh law umter hna seh, biaknak khat zong an si, covo zong an van ruat ngai caah a dikmi a si hnga!!
Malaysia le India i Chinmi le Myanmar pawl hmanh an kirnak ding le an umnak ding an ruat kho rih lo!!!
#FYIO!
Comments
Post a Comment