Atu hi Bawlung chawdawr thawngpang kan ti lengmangmi Football Transfer News cu a dai hlei lo. January ah cawk an duhmi pawl atu hin an i hal an i kawl cia cio hna.
- Asinain England nih Transfer Window (tthaal) hi kan thlen a hau ko tiah Club 20 nih an ceih i an lungtling kho. Nai kha August dih zan tiang a si i cu hlan ah Premier League puai thum an chuih manh.
Atu cu Premier League an thawk zarh UK caan nilini nazi 17:00 in an khar cang lai tiah BBC nih a ttial. Asinain August 31. tiang khi mi zuar khawh cu a si lai, a ruang cu Europe (Spain, Italy le Germany tibantuk pawl) ah an khar rih lai lo caah a si.
January i mi cawk le zuar kong biathli cu:
A ralaimi January ah Chelsea nih Thomas Muller cu cawk an i tim. Carlo Ancelotti nih hmunhma a pe lo tuk i mithlengtu dirhmun in Bayern ah a um a sau cang. Cucaah Arsenal le Liverpool zong nih kan laak khawh men lai tiah an i ruah ve. Ancelotti nih an hmang lo tuk nain Bayern a ngeitu hna nih Germany ah min a ngeibik a simi Muller zuar ding cu an duh lo ti a si. - An zuar ttung lo, Ancelotti nih a chuihter ttung lo cun zeidah a sullam?
Manchester City nih Alexis Sanchez laak ding an lungdong lo tiah Daily Mirror nih a ttial. A ralaimi January ah kan laak khawh lai ti an i ruahchan. Asinain Sanchez (kum28) hi minthut(contract) kum khat lawng a taan cang caah 60 million euros in an rak halmi hna kha 20 million euros ah an ttum. A ruangcu hmai kum ahcun Free a si te ding a si caah Arsenal nih Free nakin cun Million 20 te zong a tthahnem tiin an zuar lai tiah an ruah.
Gareth Bale cu Manchester United ah a kal lai tiah bia a rak chuak lengmang i cucu Real Madrid nih a dik lomi thawngpang a si, a ti.
United nih an hal ko hna nain zuar kan tim lo. Aruang cu atu le hmailei tiang Real Madrid ta a si tiin AS nih a ttial.
Liverpool nih cawk an rak duh tuk caah ningcang lo in rian an rak ttuanpi mi Southampton hnukham Virgil van Dijk cu atu tiang an manager nih kum 23 tang sin lawng ah training a tuahter. A Team ah chuih a duh a si ahcun Southampton hi pakhatnak ah a chiah i aa zuam a herh lai tiah an manager Maurico Pellegrino nih a chimmi Mirror nih a ttial.
Sport News rel khawhnak.
Comments
Post a Comment