A hnubik PSG le Lyon an chuih ah Neymar le Cavani cu Penalty chuih an i cuh ruang ah Media nih a phunphun in an ttial. An chuih hnu thilthlennak ah hawi nih tthen ding tiang in an i nam, i Neymar nih Cavani zuar ding in a chim ti a si.
PSG cu tu kum Champions League zong ah zumh ngaimi an si. Sihmanhsehlaw, bawlung hi minung pakhat lawng chuihmi a si lo caah atu bantuk in a chuihtu an i rem lo a si ahcun khawika ti le tlang hmanh an phan lai lo. Neymar tuanbia kan zoh ahcun mi puarthau te a rak si caah tutan zong hi tthat lei si lo in chiatnak lei an phan kho.
Santos a um lio in aa thawk.
Barcelona nih an cawk hlan 2010 ah Neymar cu Santos ah a rak chuih. An manager Dorival Junior nih mi dang pakhat kha Penalty chuih ding ah a duhdeuh ruang ah Neymar he fak ngaiin an rak i su. Manager nih a hnu puai a chuihter lo i cu ni ah cun Santos ngeitu nih an manager cu a rian an rak phuah.
Media pawl nih Santos ah Neymar maw Boss (manager) a si, hodah boss a si? tiah biahalnak an rak tuah. - Cu bantuk in PSG zong ah Leicung man tambik i cawkmi Neymar hi Santos lio bantuk in nawl a ngei kho lai ma?
A tang ahhin Neymar zeitluk in a puarthau timi AS nih a langhtermi hon zoh ulaw.
Anthony Ralston
PSG caah Champions League (CL) a chuih hmasat bik ah Celtics he an itong i Celtics i a chuihmi Anthony (kum 18) he an i sii. 5-0 in PSG nih a tei i an dih hnu ah Neymar nih Anthony cu a kut tlai duh lo.Nelson Semedo
PSG i a kal hlandeuh ah Barcelona i mi thar Nelson Semedo he an i ngiar, an i sii tthan. An i nam len lio cu Film zong an thlak hna i Neymar cu Training tuah nak in a chuah hlan ah a thil a tengh ta i thinhun lung in bawlung fak tak in a chuih.
Carlos Bacca
2015 Copa America ah Colombia nih 1-0 in an rak tei hna i puai a dih hlan ah Neymar cu Red-card a rak hmu. A ruang cu Pablo Armero (col.) keng ah bawlung a chuih hnawh hramhram caah a si i bia an i al cuahmah lio ah Bacca nih Neymar cu leng chuak ding in a nam. Colombia he an chuih ah Neymar hi aa sik tam ngai.
Fernando Torres
La Liga ah Real Madrid nakin Atletico Madrid he Neymar hi aa sik a tamdeuh ti a si. Voi tam ngai Juanfran (Atletico M. hnukham) he an buai, i voikhat cu Fernando Torres aa tuar ti lo caah Nyemar hmai cu a va nam. Iniesta nih Neymar cu a ban in a dawh, a tthen hna nain Neymar nih a ngol duh lo caah Torres tu cu a hawile nih an kalter khawh.
Juan Camilo Zuniga
Zuniga nih Brazil i World Cup ah khan Neymar a rak khawngtu a si. Mah hnu cun Neymar nih a ngiar ttheo an ti. An i ton tthan lio ah Neymar nih a nam, a phelh hmasa i fak ngai in an buai tthan. An tthen khawh hna tlawmpal ah "Phone na ka chawnh i ngaihthiam na ka hal a hau, bat*r fa." tiah Neymar nih a ti. - Caan zeimaw hnu ah an pahnih in an tonter hna i daihnak an tuahpi hna.
Coentrao le Pepe
Mah cu lawng a si lo, Neymar hi mi he aa sik a tam ngaingai. Barcelona in aa tthialnak zong hi Messi he i sik a ngamh lo caah si dawh a si, nain Manager hlun pawl cu fak nawn tein PSG a phak hnu a sawi hna pinah Barcelona Admin. le President zong a duh paoh in a rak ti hna.
Cc: Firstpost, Reuters, Dailymail, AS,
Comments
Post a Comment