"Golden Boy Award" Cu Zeidah A Si?

Golden Boy Award hmu balmi Pogba, Gotez, Messi le Martial. foto: depor

2017 kum "Golden Boy" a si kho ding minung 25 min zahan ah ka rak ttial. Golden Boy Award cu zeidah a si? Bawlung thawngpang rel tawnmi nih theih nan duh cio lai. A kong tlamwpal ka relmi chung in ka van ttial. 

Sports Journalist nih August in May tiang (Europe football calendar year) ah Europe bawlung a chuihmi mino chung in a thiambik kha Golden Boy Award an pek. Hi mintthatnak cu kum 21 tang lawng min tar khawh a si.

2003 ah Tuttosport timi Italy ram zaanglek thawngthanhca nih pek a rak thawk. A hnudeuh cun sunglawi in linsadeuh seh tiah Bild (Germany), Blick (Switzerland), A Bola (Portugal), l'Équipe (France), France Football (France), Marca (Spain), Mundo Deportivo (Spain), Ta Nea (Greece), Sport Express (Russia), De Telegraaf (Netherlands), and The Times (United Kingdom) i a ttuanmi Sports Journalist pawl zong "vote" thlatu ah an itel ve cang. Mark pektu nih minung panga lawng a thim lai i mark an pek tikah a thiambak timi cu 10 points, pahnihnak cu 7, pathumnak cu 5, palinak cu 3 le panganak cu 1 a pek lai. 

Golden Boy Award a co cangmi chung in 8 hi alaikal (midfeilder) an si, i hmaikal cu 6 lawng an si. Tutan ah Mbappe le Rashford ah pakhat paoh nih an co a si ahcun hmaikal a hon i chap lai. 

Relchih: Golden Boy si kho ding 25

Cu hlan 2003 in Golden Boy a simi hna cu a tanglei bantuk hi an si: 

Cc: Wikipedia, The Times