Bawlung Vawlei Ah Tuanbia Thar Aa Tial

minung man fak bik pathuam Neymar, Dembele le Mbappe

Bawlung chawdawr (Transfer window) an khar cang. A man fakbik in cawkmi minung pathum nih tuanbia thar an ttial. Nan ttanhmi Club nih hodah an cawk, hodah a zuar timi von zoh chih u, ka theihmi Club chung lawng ka hon banh.


C. Ronaldo kha Manchester United nih Real Madrid ah an zuar lio ah a man a rak tam tuk maw? UK £80 million a rak si. Ni kum ah khan Juventus i a chuihmi Paul Pogba cu Mourinho nih £89 million in a rak cawk i tuanbia thar a rak si.

Relchih: FIFA nih 2017 bawlung chuih thiambik a thim lai.
Relchih: Tukum Champions League i ngaih ko u.

Tutan tthaal bawlung chawdawr an khar khawh in cun Pogba nakin a man fakdeuh mi pathum an hong um. Cu hna cu Neymar, Kylian Mbappe le Ousmane Dembele an si. 

Bawlung chawdawr ah tuanbia ttialtu top-10 zoh hmasa usih:


1. Neymar: Barcelona in PSG ah £200m. (tu kum)
2. Kylian Mbappe: Monaco in PSG ah £178m. + bonus (tk)
3. Ousmane Dembele: Borussia Dortmund in Barcelona ah £97m. (tk)
4. Paul Pogba: Juventus in Manchester United ah £89m. (2016)
5. Gareth Bale: Tottenham in Real Madrid ah £86m. (2013)
6. Cristiano Ronaldo: United in Real Madrid ah £80m. (2009)
7. Gonzalo Higuain: Napoli in Juventus ah £75.3m. (2016)
8. Romelu Lukaku: Everton in United ah £75m. + bonus (tk)
9. Luis Suarez: Liverpool in Barcelona ah £75m. (2014)
10. James Rodriguez: Monaco in Real Madrid ah £63m. (2014) le a dang cu Wikipedia ah zoh te u.

England:
Chelsea hi mi a cawk tamlo nain an man fak. Real Madrid hmaikal Morata £58 million in a cawk i Tiemoue Bakayoko (Monaco), le Antonio Rüdiger (Roma) hi an man a fak ngai fawn. Orhlei hnukham Davide Zappacosta (Torino) a cawk chih.

Manchester City nih tutan ah Benjamin Mendy (Monaco), Kyle Walker (Tottenham), Bernardo Silva (Monaco), Ederson (Benfica) le Danilo (Real Madrid) cawknak ah £500 million leng a hman.

United nih Lukaku (everton) le Nemanja Matic (chelsea) le Benfica hnukham Victor Lindelof an cawk ve hna. Rooney alaak in Everton ah a kal. Zlatan an lak tthan.

Liverpool nih Phillippe Coutinho an zuar lo pinah a tthahnem ding an cawk len hna. Mohammed Salah (Roma) hi an i cawkfuh ngai kho men. Dominic Solanke (Chelsea) le Alex Oxlade-Chamberlain (Arsenal) hi dawr an khar hlan te ah Chelsea nakin Liverpool aa thim i an cawk. Hull hnukham Andrew Robertson an laak khawhmi hi a bawmh ngai hna lai ka zumh.

Arsenal nih Lyon in Alexandre Lacazette an cawk ah khan an Club record thar a si. Schalke hnukham Sead Kolasinac alak (free a uar tuk le Arsenal cu an lohnak si.) in a laak. Mi thar caw chap lo in a minung tam nawn a zuar hna i club dang a hlan hna. Sanchez cu City ah a kalter lo.

Tottenham hi an i um an i um le Ajax hnu kham thiam ngaimi Davinson Sánchez an cawk. Serge Aurier (PSG), Juan Foyth (Estudiantes) pinah Fernando LIorente (Swansea) a tar pah cang nain an cawkmi hi an i fuh ngai khomi a si.

Cu vial si seh. Spain hi Barcelona nih mi tam nawn a cawk ve. Real Madrid ah thlennak a um lo tluk a si.

September chung ah ho an cawkmi dah an i fuhbik timi kan zoh tthan te hna lai. SHARE!!