January Transfer-window a phan rih lo nain Club pawl nih mi cawk ding an i zoh cia cio ko hna. Europe League pawl bawlung chuih an thawk in cheukhat Club an hlawhtling i a dang an iruahning a si hna lo caah a si. Europe i hmaikal ttih a nungbik BBC nih a ttialmi zong van zoh chih a tang ah.
 |
| Arauh hlan ah Club aa thleng khomi Dybala le Ozil. foto: goal.com/metro |
Abik in Rooney a chuihnak Everton hi tthaal ah phaisa tamtuk an hman ve nain Lukaku bantuk in Goal sut khomi an um lo caah hmaikal cawk zok an duh. Arsenal hmaikal Olivier Giroud hi tthaal ah khan cawk an rak i tim cang nain an caw kho lo i January ah laak khawh an i zuam lai tiah Mirror nih a ttial. Giroud nakin an rak duhdeuh mi cu Chelsea hmaikal hlun (atu cu Atletico Madrid ah kir cang.) Diego Costa hi 50million Euro hrawng in cawk an rak hal hna nain Costa nih Atletico Madrid lawng kal ka duh a rak ti hna.
Mirror tthiam nih a ttialning ah Manchester United nih Juventus i a chuihmi Paolo Dybala hi £ 155 million in cawk ding an i tim. Dybala nih tutan Serie A an chuih cangmi puai ruk ah Goal hra a sut cang i Transfer-window ah mit hlaangbik a si. Juventus nih an chimnak ah Dybala cu Buy-out Clause a ngeih lo caah a duhmi paoh nih an cawk khawh, i amah nawl a si. Asinain kum 23 a simi Argentina pate hi Barcelona zong nih an duh tiah ruah a si caah United an i hnawhdeuh a hau te hnga.
Manchester United cu kum dangnak in Mourinho hruainak tang ah phaisa a lutmi a tamdeuh i an mirh lawng a chuak ko. Cucaah an duhmi paoh caw kho ding in an um ve. Mourinho nih tthaal ah cawk a rak timhmi Griezemann hna an cawk chih ahcun United cu Ferguson chan bantuk an si tthan lai.
Mesut Ozil nih Arsenal ah min thar a ttial duh ti lo. Mirror nih a ttialning ah Jose Mourinho kuttang ah um tthan a duh i 2018 tthaal ah Arsenal in (free) a chuak ding a si caah Manchester United nih manlo in i laak te khawh ding a si lai. Real Madrid zong ah an rak i tthihruai bal i Mourinho nih Ozil hi a uar ngai tiah theih a si.
Liverpool nih Coutinho an zuar sian lonak a ruang cu a hnubik Premier League an chuih khan a lang, i phaisa in a man khiah awk a ttha lomi a si. Cun Barcelona nih tthaal chung ah an rak laak khawh lo caah Coutinho cu Barca cungah a lungfak ngai tiah theih a si i a ralaimi kum 5 caah min a thutnak Liverpool ah a um rih ko lai tiah ruah a si.
Tutan Europe i Goal sut khobik hodah a si?
BBC nih a ttial ning ah Manchester United nih cawk an duhmi Juventus hmaikal Paulo Dybala a si.
Comments
Post a Comment