Tuan ah khan "Thawngpang bultan" tiin E-groups le ka blog ahhin ka rak ttial tawn. Mi tampi an tthathnem hna ka theih ko nain caan saupi ka rak ttial kho lo. Atu cu ni zarh (innrin ni?) pawl ah ka hon ttial pah cang lai. _ cu vial!!
1.) Democracy ningcang loin a hmangmi an um tiah Pi Suu Kyi nih August 11. ah khan "Myanmar Democracy Transition" timi tlangtar tangah a chim i hote a ti hnawh hna cu hngalh a si lo. Cun, Democracy lam kan zawh lio caan ahhin minung kan khuaruahning zong aa thlen a herh ngaingai, tiah President lutlai pi Suu Kyi nih a chim chih. Democracy phan ding in kan kal tikah cheukhat nih cun lungput ttha lo he pumpak duhtlinnak lam sial in an kal, a ti.
Sihmanhsehlaw, mipi he zumtlak (transparency) tein ttuan ding aa timmi NLD cozah nih Journalist zeimawzah a tlaih cang. Zeitincun dah khuaruahning cu kan thlen lai? Mipi nih kan theih a herhmi cozah rianttuannak, remdaihnak kong siseh, mipi biakhiahnak a um kho ding thil theih khawhnak ding ah rian a ttuanmi Media kut an ttem chung cu Democracy lam a cim lengmang ko lai hnga lo maw? Gulfnews le bang nih cun "In Myanmar, the party that once defended dissidents is throwing them in jail." ti tlangtar in tuni ah a ttial.
Min Ko Ngain zong zohfeltu ah an sawm ve i Suu Kyi a chimmi kong he pehtlai in BBC ah a chimmi cu, "Thlennak a chuahpi a duh lotu pawl an um rih caah atu cozah nih sersiam le remh an duhmi pawl kong ah ri a um lengmang." ti a si.
2.) Kawlram chung UN rianttuantu pawl khualtlawnnak ralrin ding ca an chuah. UN nih ram chung ah zung tampi a on i cu zung rianttuan pawl cu Rakhain (rakhine) State tel in khualtlawn umkal tikah iralrin u tiah Rangoon i UN zung in ca an chuah. Mah ti ca an chuah cu, August thawk i minung pariat an rak thah hna ruangah khan a si (chinmi an si, an ti, nain a si tak dek maw?). Cozah nih Rakhain ah ralkap a kuat chap fawn.
2014 kum in Rakhain i Rohinya kong ah an rak buai tuk caah UN zung an rak hrawh piak cang hna. 2016 October in tu kum August 9. tiang ah minung 59 a thimi an si i 33 an tlau tiah Suu Kyi zung in thawng a chuak.
3.) Chinmi hi sakah ah minthang kan rak si timi nihin i Kawlram i sahrang le vui/sai an zor chin lengmang kong thawngpang nih a langhter rih. August 12. hi Sai hna ni, a si i Kawlram ah Sai an zor ning a rangtuk tiah ca an chuah. Sai hi saram phun chung in a tlau a rangbik pawl an si tiah tu kum thawk ah khan Guardian nih a rak ttial. - Hlandeuh ah khan cun hao a ngeimi Sai pawl lawng an rak thah tawn hna nain atu ah cun a ngei lomi zong an nawn cang hna. Atu cu a hao kha si ti lo in, Sai a vun(cuar)/ a phaw kha a man tthat tuk caah a thliin an kah cuahmah hna hi a si, an ti.
Tu kum chung ah FrontierMyanmar maw si, Guardian deuh dek, nih Irrawady tiva kam hrawng i Vui a kapmi hna lakah Chinmi an i tel, i Chinmi hi an kut a hriam tiah a rak ttial.
4.) Yangon ah Bus-fare Card Payment System thawk ding in timh tuahnak an ngei cang. Yangon Region Transport Authority (YRTA) nih Yangon BUs Service (YBS) ah Card System a rawn (install) kho ding company caah Tender kong he pehtlai in tonnak a tuah lai. Ram chung lawng silo in ram dang company pawl zong luh khawh a si tiah TRTA nih a chim.
YBS tang ah China i an cawkmi bus 1000 tel in bus 2600 hrawng an tli.
PS! Links kan pe ti hna lai lo. zumh le zumh lo careltu nawl!
1.) Democracy ningcang loin a hmangmi an um tiah Pi Suu Kyi nih August 11. ah khan "Myanmar Democracy Transition" timi tlangtar tangah a chim i hote a ti hnawh hna cu hngalh a si lo. Cun, Democracy lam kan zawh lio caan ahhin minung kan khuaruahning zong aa thlen a herh ngaingai, tiah President lutlai pi Suu Kyi nih a chim chih. Democracy phan ding in kan kal tikah cheukhat nih cun lungput ttha lo he pumpak duhtlinnak lam sial in an kal, a ti.
Sihmanhsehlaw, mipi he zumtlak (transparency) tein ttuan ding aa timmi NLD cozah nih Journalist zeimawzah a tlaih cang. Zeitincun dah khuaruahning cu kan thlen lai? Mipi nih kan theih a herhmi cozah rianttuannak, remdaihnak kong siseh, mipi biakhiahnak a um kho ding thil theih khawhnak ding ah rian a ttuanmi Media kut an ttem chung cu Democracy lam a cim lengmang ko lai hnga lo maw? Gulfnews le bang nih cun "In Myanmar, the party that once defended dissidents is throwing them in jail." ti tlangtar in tuni ah a ttial.
Min Ko Ngain zong zohfeltu ah an sawm ve i Suu Kyi a chimmi kong he pehtlai in BBC ah a chimmi cu, "Thlennak a chuahpi a duh lotu pawl an um rih caah atu cozah nih sersiam le remh an duhmi pawl kong ah ri a um lengmang." ti a si.
2.) Kawlram chung UN rianttuantu pawl khualtlawnnak ralrin ding ca an chuah. UN nih ram chung ah zung tampi a on i cu zung rianttuan pawl cu Rakhain (rakhine) State tel in khualtlawn umkal tikah iralrin u tiah Rangoon i UN zung in ca an chuah. Mah ti ca an chuah cu, August thawk i minung pariat an rak thah hna ruangah khan a si (chinmi an si, an ti, nain a si tak dek maw?). Cozah nih Rakhain ah ralkap a kuat chap fawn.
2014 kum in Rakhain i Rohinya kong ah an rak buai tuk caah UN zung an rak hrawh piak cang hna. 2016 October in tu kum August 9. tiang ah minung 59 a thimi an si i 33 an tlau tiah Suu Kyi zung in thawng a chuak.
 |
| Rakhain ah ralkap an chap hna. foto: Reuters |
Tu kum chung ah FrontierMyanmar maw si, Guardian deuh dek, nih Irrawady tiva kam hrawng i Vui a kapmi hna lakah Chinmi an i tel, i Chinmi hi an kut a hriam tiah a rak ttial.
4.) Yangon ah Bus-fare Card Payment System thawk ding in timh tuahnak an ngei cang. Yangon Region Transport Authority (YRTA) nih Yangon BUs Service (YBS) ah Card System a rawn (install) kho ding company caah Tender kong he pehtlai in tonnak a tuah lai. Ram chung lawng silo in ram dang company pawl zong luh khawh a si tiah TRTA nih a chim.
YBS tang ah China i an cawkmi bus 1000 tel in bus 2600 hrawng an tli.
PS! Links kan pe ti hna lai lo. zumh le zumh lo careltu nawl!
Comments
Post a Comment