 |
| Monaco hmakal Mbappe le alaikal Lemar nih goal an lawmh lio. Foto: AFP/Hache |
Bawlung he pehtlai in biachuakvai, thawngpang tawi tete rel a duhmi cu rat khawh lengmang a si. Barcelona nih mi thar an cawk.
Champions League 2017/10 chuih ding Group pariat ah an tthen i group khat ah Club pali an si. Cu hna lakah Manchester United le Liverpool hi an vanttha ngaingai ti khawh a si. Tottenham an vanchiabik.Europe Player of the Year Cristiano Ronaldo An Pek.
2010/11 kum in Europe i a thiambik laksawng UEFA nih an pek i Ronaldo nih atu hi a voithumnak a co a si. Messi nih voi hnih, Andres Iniesta le Franck Ribery nih voi khat veve an co. FIFA nih October i leicung thiambik thimnak a tuah dingmi zong ah amah hi an zumh. Sihmanhsehlaw, Spain cozah nih ngunkhuai na fir an timi cu "ka fir lo, ka palhnak um lo." aa ti buin taza an cuai liomi a si.
Arsenal nih Thomas Lemar (Monaco) cu cawk an duh tuk nain Monaco nih an rak zuar siang lo tiah Wenger nih a rak ti. Asinain Lemar nih England ah kal ka duh tiah a Boss te a chimh hna i Arsenal ah maw, tiah an hal cu Manchester United ah a ti hna ee tiah The Sun nih a ttial. Franch Liga 1. teitu Monaco nih a mithiam Benjamin Mendy, Bernardo Silva le Tiemoué Bakayoko a zuar cang hna i a dang hi a zuar siang ti hna lai maw ti cu August dih hlan ah a fiang te ko lai.
Chelsea nih cawk an duhmi Alex Oxlade-Chamberlain cu Arsenal nih kan zuar hau te ko lai tiah an ruah. Chamberlain hi Chelsea nih cawk an duh tuk, a ruang pakhat cu Chelsea ah England mi an tlawmmi hi a si. Chelsea nih an hmaikal Diego Costa he lungtlinnak a ngeih khawh lo caah AC Milan ah zuar an timh cang tiah Italy sport thawngca nih a ttial.
Juventus nih Chelsea hnukham Gary Cahill cawk an hal hna tiah The Sun nih a ttial chih.
Barcelona i tulio ahcun vava a tummi an si. Neymar an zuar hnu in an duhmi Ousamane Dembele (kum 20) cu €105 Million (euro) in tuni ah an cawk. Cun hmaikal an i cawk fuh lo takmi Arda Turan cu na duhnak CLub ah alak (free) in na kal kho cang an ti.
Mbappe cu Monaco ah sau a um lai lo ti a fiang nain Real Madrid nih maw an cawk lai, Manchester City nih timi tu hi a rauh hlan ah kan theih te lai.
Comments
Post a Comment