 |
| USA president Trump Foto: AFP PHOTO / JIM WATSON / NTB scanpix |
Trump hi Far-right Politician a si ko lo maw?
Trump nih President a ttuan thawk in nihin tiang ah WhiteHouse i rianttuanmi, amah bak in rian a khinhmi hna zong rian a phuah tthanmi hna an tam cang. FBI he zong a buai i Obama-care thlen kong ah Republican Senator pathum nih an hnatlakpi lo. Climate-Change (Pris-Agreement in chuahnak) kong zong ah USA i mirum le thilsertu tampi nih an president cu an lungtlinpi lo. Dictator a simi Kim, Saddam, Gaddafi pinah Putin, Duterte (Philippines president) le Assad te hna a faktu (admire) USA president a si.
Trump nih President a ttuan thawk in nihin tiang ah WhiteHouse i rianttuanmi, amah bak in rian a khinhmi hna zong rian a phuah tthanmi hna an tam cang. FBI he zong a buai i Obama-care thlen kong ah Republican Senator pathum nih an hnatlakpi lo. Climate-Change (Pris-Agreement in chuahnak) kong zong ah USA i mirum le thilsertu tampi nih an president cu an lungtlinpi lo. Dictator a simi Kim, Saddam, Gaddafi pinah Putin, Duterte (Philippines president) le Assad te hna a faktu (admire) USA president a si.
Cabia dang: Hitler he aa lomi Trump
Cu vialte lakah Hitler a lo ee, ka rak timi a hon tlinnak cu tu zarh i Virginia, USA i lamzawh-buainak ah khan a lang cang. Amah hi KKK timi Ku Klux Klan timi phu chungtel a si tiah a zumhmi a si. Trump hi "cuar raang" pawl pakhatnak ah a chiami a si fawn. President a tlin an lawmh lio zong ah KKK pawl nih kan bawmhmi a si, an rak ti. Cu hnu te cun KKK le Far-right Politics hi hlan nakin an hong lang deuh cang. Tu kum chung i USA a thimi pawl hi "Far-rigth/cuar rang pennak" aa tlaihmi pawl nih an thah hna ti zong bia a rak chuak. Cu a si ruangah, Virginia buainak kong i bia a chim lio ah "Far-right Politics" timi biafang a hman duh lomi kha a si kho.
Republican Politician tampi nih Trump an mawhchiat.
President Trump nih hin a hlan i WhiteHouse ah a rak ummi President cu "Terrorist kong a chim tikah `Radical Islamism`timi biafang a hmang duh lo tiah voi tamtuk a rak ti. Asinain Virginia i Far-right Politics pawl buainak ah miraang pakhat nih nu pakhat a thah i minung 19 a hliammi kong he pehtlai in bia a chim lio ah "Racist, Nazism asiloah Vun-rang uknak a duhmi" ti biafang pakhat hmanh a chim ve lo.
Cucaah Ryan Pual le Marco Rubio tel in Republican tampi cu Trump cung ah an lungtlin lonak an chim. Miraang nih America le Vawleipi hi kan uk ding a si timi ruahnak ngeih in lamzawh, mi thah le ral thawh cu Terror a si, i cu bantuk cu a min char tein chim le mawhchiat ding a si, an ti.
White House chung ah Trump dawi aa zuammi an um tak hnga maw?
"An um." tiah a chimtu hi Trump nih White House Communication Director ah a thim i ni hra hnu ah a dawi tthanmi Anthony Scaramucci kha a si. 13. August ah khan ABCNews nih interview an tuah lio ah "Trump hi President in phuah a duhtu White House ah an um, i mi sasawh an si lo," tiah a chim.
Anthony zong nih Virginia i mirang pa nih mawttaw in mi a rial i a thah hna, a hliammi hna kong ah Trump biachim kha USA a hruaitu nih chim ding a tlaak lomi a si, a ti. President nih cun thil a simi kha a sining in a chim awk a si, tiah Nazi, Terror min a telh lomi kong ah a chim.
China nih USA le NorthKorea A Sik Hna.
Xi Jiping cu Asia ah nawl a ngeimi pakhat a si bantuk in NorthKorea kong ah ttuanvo lianpi a ngeimi pakhat a si. USA president le NorthKorea cu biaal lawng an rian, an i tlirhkhonh a fah cang caah Xi nih daite in um u, a ti hna. NorthKorea nih Rocket a kah lengmangmi siseh, ralthawh ding a cawlcanghnak vialte ngol ding timi cu Xi nih a cohlan kong a chim chih.
Kap hnih ning in daih i bia i ruah hnu ah remdaihnak he karhlan ding a biapitnak a chimmi kong ah Trump zong a lungtling ngai ti a si.
Trump hi zeidah a si hnga, ti hi....
Comments
Post a Comment