A tuanbia kan zoh a si ahcun aa nolhmi thil a tam. Club pakhat a tlaih tikah a kum khatnak cu a duhmi Team a ser i teinak a hmuh lo hmanh ah a hmaikum ah teinak a hmuhpi hna. A kum thumnak cu a hruaimi bawlung chuihtu le Club ngeitu hi i remlonak an ngei tibantuk a si lengmang. A hmasa ah komh aa zuam hna, teinak a hmuh khawh in iral, le rianphuah a si. Cun a thar in aa thawk tthan lengmang.
# RELCHAP KHAWHMI: Sport Opinion le Thawngpang Dang
Mourinho nih United a hruai kum hnihnak a hong lut cang. A si tawnning ah cun 2013 i Alex Ferguson nih a chuahlai ah a teipi hna hnu i avoi khatnak Premier League an tei ding caan a phan cang ti khawh a si.
Manchester United caah ruahchannak a um ko.
Premier League an thawk zarh khatnak ah United nih WestHam cu 4-0 in a tei hna i an cawk tharmi Lukaku biatak tein a ke a rak lang. Cu pinah man fak tuk in an cawkmi Pogba le Matic zong Mourinho a duhmi System ah an i tlaak ngai ti a lang.
Premier League an thawk zarh khatnak ah United nih WestHam cu 4-0 in a tei hna i an cawk tharmi Lukaku biatak tein a ke a rak lang. Cu pinah man fak tuk in an cawkmi Pogba le Matic zong Mourinho a duhmi System ah an i tlaak ngai ti a lang.
Club a hruaimi pawl hi voinga ning in kum hnih chung ah a lakpimi hna an si, i a dang Cup tete cu a lakchih hna. Port FC lawng ka a kum khatnak ah League a teipi hna, nain a kum hnihnak ah Champions League zong a teipi chih hna.
Chelsea ngeitu thar nih Mourinho cu a uar tuk caah man tam ngaiin a laak, i Chelsea cu kum hnih peh in Premier League a teipi hna. Italy ah a kal i Inter cu kum khat chung ah Serie A, Coppa Italy le Champions League a teipi hna. "The special One" aa ti mawh lo a rak si.
Real Madrid nih La Liga tei an duh tuk cang i an rak Mourinho cu an rak sawm, nain a kum khatnak ah Copa del Rey lawng a teipi hna. Asinain a hmaikum ah Pep Guardiola hruaimi Barcelona (Tei khawh ding ah rak ruah lomi) cu a tei hna i La Liga an rak lak. Mourinho nih Spain La Liga Season pakhat i Goal-tambik le Point tambik "Record" thar a rak ttial chih.
England ka ngai ti a si i Chelsea ah a kir. Asinain mi tampi nih Ferguson aa dinh ding a si caah United hruai ding a rak i ruahchan ruangah a si, tiah an rak purhdah. Chelsea cu Premier League a lakpi tthan hna, nain a hmaikum ah a ngeitu he an baui i rian chuah a si tthan. Ram li ah Season Title panga cu kum 11 chung ah a tei i kum hnih chung ah a teimi lawngte a si.
Zeitindah a tei khawh?
Mourinho cu Europe i minthang Club deuh a hruai hna ruangah a si an ti. Sihmanhsehlaw, Porto le Inter kha "Treble" a teipi hna. Cucu thil fawi a si lo. A kum khatnak i teinak a hmuh tawn lonak a ruang cu a hruaimi Team a hngalh dih rih hna lo ruangah a si kho. Amah zong nih a chimmi cu Manager nih a hruaimi Club a hngalh hnu ah a chuihtu zong a hmaikum ah an thiamdeuh ve, ti a si.
Jose Mourinho a thiamnak pakhat cu a duhmi nung cawk khawh hi a si. Porto, Inter le Chelsea kha Season an thawk hlan ah an Team tthawnter aa zuam hmasa i a duhmi cawk zia a thiam. Inter lio hoi hna kha a duhmi rak caw kho hlah seh law a tei lai lo tiah mi tampi nih an rak ruah. Real Madri lawng hi a tthawng ciami Team a hruaimi a si an ti.
 |
| Mourinho cawk tharmi Lukaku i fuh dawh an si. Westham an tei hna lio. foto: goal |
Ni kum i a minung chung in a biapimi lakah Zlatan Ibrahimovic lawng aa khawn caah a chuak, nain January lei cun a lut tthan te kho ko tiah Mourinho nih a chim. Rooney nih United a chuahtak, asinain amah hi a biapi tukmi cu a si lo.
Mourinho nih pakhat in cawkchap a duh rih. August dih hlan caan a ngei. An cawk piak te lai maw ti zoh ko rih hna usih. Manchester United zong hi kum hnih chung ah Premire League (serie) a teipi hna lo hmanh ah Champions League cu a teipi hna lai tiah ka zumh.
# RELCHAP KHAWHMI: Sport Opinion le Thawngpang Dang
Comments
Post a Comment