Conor McGregor cu Floyd Mayweather nih Round 10nak ah a thlim.
USA dah ti lo Asia, Europe le hmun dang ah cun Zarhpi zing pumh hmanh tlawlh in kan hngah ciomi Vawleicung Boxing thiambik pakhat a simi Floyd Mayweather cu Europe zinglei Sml. 06:00 hrawng in Ring chung ah a rak lut i khat lei kil ah a to. Voi 49 sung lo in aa thong i Conor a tei khan voi 50 sung lo in aa thongh a si. World Champion min vialte a liang in a phurh hna.
Khat lei kil ah a to vemi Irland pa cu a voikhatnak Boxing aa thongh a si lai, a min ah Conor McGregor a si. Boxing aa thongh bal lomi cu a si lo, nain tutan hi a hmasabik Proff. Boxing aa thongh a si. Cucaah hodah a tlu lai ti cu theih cia nawn a rak si.
Boxing ah World Champions a simi le MMA i Champions a simi kha Boxing i thongh a si. Cucu zei he dah aa lawh tiah cun Leicung Tennis tuk thiambik kha Table-Tennis thiambik nih Tennis tuk a zuam cawh bantuk khi a si. Volleyball bengh thiambik nih Messi bawlung chuih a zuam bantuk a si lai.
Floyd le Conor cu kum khat leng an i cerhro. An i haoh. Mi lung an thawhter khawh. Press Conference ah pakhat le pakhat bianek le volhpamh in caan an rak dih. An caah ri a rak um lo. Cu ti an i ertaunak a ruang pakhat cu an i thongh ding sunglawi seh ti duh ah a si bantuk in cu ti a sunlawi cang ahcun, - phaisa tampi an hlawh ding kha a si.
Minchiatnak
Floyd le Conor hi mi thintawi le zangfahnak a ngei veve lomi an si. Mayweather cu hlan ah a nungak pakhat a rak thongh/velh ruangah thong a tla balmi a si. Phaisa a duh tuk i a phaisa ngeihmi zah chimrel lo in a um kho lomi pakhat si. A luancia kum pawl kha taklawng nu pawl lamnak a tuahmi cu "Girl Collection" tiin Social Media nih an phozar lengmang. Asian pawl nih cun Manny Pacquiao a rak teimi lungfah in an rem lo dom rih.
McGregor zong zeihlei hlah. A nupi i a nu he aa rem ve lomi an si. A kut a zaang, a thintawi. Press Conference pawl ah minak le mirang thleidannak, minak neknak (racist) bia chim a hmang tuk. Cuti an min a chiatmi ruang hrim nih Ticket tampi a manter khawh. McGregor a thin hun in Boxing Rules a buar lai i zoh a nuam lai ti a ruatmi zong kan um.
Phaisa zeizat hmuh ding in dah Boxing Champion a simi nih tlawk-cek in thongh ding na chit duh hnga? tiah McGregor le Mayweather an itongh lio TV-Commentator pakhat nih a chim. Conor McGregor cu dollar 100 million man a rak si. Cucaah tutan ah McGregor hi Boxing ah sung hmanh sehlaw, khuasaktintuk nak caah a herhmi Dollar 100 million leng a hlawh khawh. Mayweather chinchin cu a taisawm lawng hmanh Dollar 100 millon a si.
Las Vegas cu dollar a fuan fawn lai. TV company pawl, hi puai he pehtlai in nawl a ngeimi pawl le Las Vegas dawr, hotel pawl an i hlawk lai.
Cu vialte lakah a sungmi cu Boxing hi a si. Boxing a thawtnam, a tuanbia le a dirhmun tamtuk a tlakter, tiah sawiselnak tampi a chuak. September 16. ah Floyd le Conor an i thonghnak Arena tthiam ah Saul Canelo Alvarez le Gennady Golovkin cu World Champion Title an i cuh lai. Boxing uartu hna caah i ngaih awk a tlak tukmi a si nain tutan puai ruang ah kan thei hna lo.
Kan hawile he Norway phaisa 500 liam in zan khuadei kan hngak i kan zoh hna. A sung ding kan theih ko nain kan i ngaih tuk hna. Sihmanhsehlaw, Mayweather le McGregor an i thongh lio nakin anmah hlan i aa thongmi pawl kha zoh an nuamdeuh. Zoh di an riamdeuh. Boxing a thawtnam a kan theihterdeuh.
 |
| MMA Chmp. ConorMcGregor cu Round 6 tiang hnu in a thadih. Foto: AFP/Viaplay/Nrk |
USA dah ti lo Asia, Europe le hmun dang ah cun Zarhpi zing pumh hmanh tlawlh in kan hngah ciomi Vawleicung Boxing thiambik pakhat a simi Floyd Mayweather cu Europe zinglei Sml. 06:00 hrawng in Ring chung ah a rak lut i khat lei kil ah a to. Voi 49 sung lo in aa thong i Conor a tei khan voi 50 sung lo in aa thongh a si. World Champion min vialte a liang in a phurh hna.
Khat lei kil ah a to vemi Irland pa cu a voikhatnak Boxing aa thongh a si lai, a min ah Conor McGregor a si. Boxing aa thongh bal lomi cu a si lo, nain tutan hi a hmasabik Proff. Boxing aa thongh a si. Cucaah hodah a tlu lai ti cu theih cia nawn a rak si.
Boxing ah World Champions a simi le MMA i Champions a simi kha Boxing i thongh a si. Cucu zei he dah aa lawh tiah cun Leicung Tennis tuk thiambik kha Table-Tennis thiambik nih Tennis tuk a zuam cawh bantuk khi a si. Volleyball bengh thiambik nih Messi bawlung chuih a zuam bantuk a si lai.
Floyd le Conor cu kum khat leng an i cerhro. An i haoh. Mi lung an thawhter khawh. Press Conference ah pakhat le pakhat bianek le volhpamh in caan an rak dih. An caah ri a rak um lo. Cu ti an i ertaunak a ruang pakhat cu an i thongh ding sunglawi seh ti duh ah a si bantuk in cu ti a sunlawi cang ahcun, - phaisa tampi an hlawh ding kha a si.
Minchiatnak
Floyd le Conor hi mi thintawi le zangfahnak a ngei veve lomi an si. Mayweather cu hlan ah a nungak pakhat a rak thongh/velh ruangah thong a tla balmi a si. Phaisa a duh tuk i a phaisa ngeihmi zah chimrel lo in a um kho lomi pakhat si. A luancia kum pawl kha taklawng nu pawl lamnak a tuahmi cu "Girl Collection" tiin Social Media nih an phozar lengmang. Asian pawl nih cun Manny Pacquiao a rak teimi lungfah in an rem lo dom rih.
 |
| NY i press conference ah Wayweather nih dollar a hlonh hnawh lio. foto: reuters/Nrk |
McGregor zong zeihlei hlah. A nupi i a nu he aa rem ve lomi an si. A kut a zaang, a thintawi. Press Conference pawl ah minak le mirang thleidannak, minak neknak (racist) bia chim a hmang tuk. Cuti an min a chiatmi ruang hrim nih Ticket tampi a manter khawh. McGregor a thin hun in Boxing Rules a buar lai i zoh a nuam lai ti a ruatmi zong kan um.
Phaisa zeizat hmuh ding in dah Boxing Champion a simi nih tlawk-cek in thongh ding na chit duh hnga? tiah McGregor le Mayweather an itongh lio TV-Commentator pakhat nih a chim. Conor McGregor cu dollar 100 million man a rak si. Cucaah tutan ah McGregor hi Boxing ah sung hmanh sehlaw, khuasaktintuk nak caah a herhmi Dollar 100 million leng a hlawh khawh. Mayweather chinchin cu a taisawm lawng hmanh Dollar 100 millon a si.
Las Vegas cu dollar a fuan fawn lai. TV company pawl, hi puai he pehtlai in nawl a ngeimi pawl le Las Vegas dawr, hotel pawl an i hlawk lai.
Cu vialte lakah a sungmi cu Boxing hi a si. Boxing a thawtnam, a tuanbia le a dirhmun tamtuk a tlakter, tiah sawiselnak tampi a chuak. September 16. ah Floyd le Conor an i thonghnak Arena tthiam ah Saul Canelo Alvarez le Gennady Golovkin cu World Champion Title an i cuh lai. Boxing uartu hna caah i ngaih awk a tlak tukmi a si nain tutan puai ruang ah kan thei hna lo.
Kan hawile he Norway phaisa 500 liam in zan khuadei kan hngak i kan zoh hna. A sung ding kan theih ko nain kan i ngaih tuk hna. Sihmanhsehlaw, Mayweather le McGregor an i thongh lio nakin anmah hlan i aa thongmi pawl kha zoh an nuamdeuh. Zoh di an riamdeuh. Boxing a thawtnam a kan theihterdeuh.
Comments
Post a Comment