Club ngei lomi Zlatan Ibrahimovic cu a hawi ttha Jose Mourinho nih a zaangfah, Manchester United nih Champions League chuih kho ding in a bawmhmi hna an philh lo caah an sin chuih tthan ding in an hlawm.
Zahan ah United nih an lak tthan zau lai tiah ka rak ttial cang. Tu zing ah United website ah kum 36 si deng cangmi Zlatan cun kum khat ca in an lak ti a si.
"Ka rak thawkmi dihter ding ah ka kir tthan hi a si. United siseh keimah zong nih kum khat peh tthan ding cu kan saduhthah a si." tiah Zlatan nih a chim ve. United a um chung 2016/17 ah goal 28 a sut manh Europa League a lakpi hna.
Rooney nih a kaltak mi namber 10 cu hohmanh nih an lak rih lo caah amah pek a si lai.
Asinain Bawlung cu a chuih colh kho lai lo. A chuih khomi dirhmun ka phak i ka chuih tikah ka sining dih lak in chuih ka duh tiah Zlatan nih a chim.
Manager Mourinho nih tu bantuk in Zlatan nih United ah chuih tthan a duhmi cu lunglawmh awk a si, a ti. Kan hnu kum i United caah a tuahmi kha philh awk a ttha lo i kum khat kan sin a um ding cu a hlawh ko tiah a chim.
2016 ah khan FourFourTwo Magazin nih Zlatan hi leicung a thiambik 16nk a si tiah a ttial. Kum 35 a si cang nain hmaikal ah amah tluk in a hriammi le goal a sut khomi an um lo ee ti a si.
Champions League an chuih khawh cang caah Zlatan bantuk hi an herh, Lukaku lawng nih puai hi vialte a chuih khawh ding si lo. Mino te Rashford nih lei ruahning bantuk in a tthangcho lo. Hmaikal ttha an herh lio ah Zlatan nak ttha cu an hmu ti lai lo tiah ka ruah.
Zlatan nih Instagram ah a tarmi:
Comments
Post a Comment