 |
| Fifa nih thimmi 2017 player a co kho ding Kane, Dybala le Ronaldo. Tv2/scanpix |
Bawlung a chuihmi hna nih mintthat le thangtthatnak sangbik an co khawhmi cu FIFA Player of the YEAR hi a si. 2017 kum ah a thiambik bawlungchuihtu an thim lai i Manager/coach thiambik pinah Nu bawlungchuih zong tthangtthatnak an tuah chih lai. Cu he pehtlaih in an Website ah laksawng a co kho ding, a co dingah aa tlak timi min pawl Auguat 17. ah khan an tar.
Bawlungchuih thiam 24 min an tarmi chung ah C. Ronaldo, Messi, Neymar, Luka Modric, Harry Kane, Paulo Dybala le Buffon te hna an itelmi hi khuaruahhar a si lo.
Ka uar ngaimi Zlatan Ibrahimovic min aa telmi belte a mak ngai nan ti cio khawh men. Manchester United caah puai 46 a chuih i goal 28 a ngei. Mah cu nih United hi tamtuk a bawmh hna ti cu al khawh a si la lo.
A thimtu hna hi hlan i bawlungchuih thiam minthang Cafu, Maradona le Carles Puyol te hna an si. A thiambik laksawng peknak cu October 23. London ah an tuah lai.
2017 FIFA player of the Year cu Cristiano Ronaldo nih a co lai tiah mi tampi nih cun an zumh cang.
FIFA nih a thimmi minung 24 hna cu:
Pierre-Emerick Aubameyang (Gabon - Borussia Dortmund)
Leonardo Bonucci (Italy - Juventus / AC Milan)
Gianluigi Buffon (Italy - Juventus)
Dani Carvajal (Spain - Real Madrid)
Cristiano Ronaldo (Portugal - Real Madrid)
Paulo Dybala (Argentina - Juventus)
Antoine Griezmann (France - Atlético Madrid)
Eden Hazard (Belgium - Chelsea)
Zlatan Ibrahimovic (Sweden - Manchester United)
Andres Iniesta (Spain - FC Barcelona)
Harry Kane (England - Tottenham)
Ngolo Kante (France - Chelsea)
Toni Kroos (Germany - Real Madrid)
Robert Lewandowski (Poland - Bayern Munich)
Marcelo (Brazil - Real Madrid)
Lionel Messi (Argentina - FC Barcelona)
Luka Modric (Croatia - Real Madrid)
Keylor Navas (Costa Rica - Real Madrid)
Manuel Neuer (Germany - Bayern Munich)
Neymar (Brazil - FC Barcelona / PSG)
Sergio Ramos (Spain - Real Madrid)
Alexis Sanchez (Chile - Arsenal)
Luis Suarez (Uruguay - FC Barcelona)
Arturo Vidal (Chile - Bayern Munich)
Tulio Club rum hna nih an i cuhmi Mbappe cu aa tel lo!!
Manager thiambik thimnak an tuah chih lai i Premier League in pali an itel. Asinain Champions League a peh in a teitu Zidane (Real Madrid) nih Manager thiambik cu a co lai tiah an zumh.
Zidane laksawng lak lio kut bengtu ding ah: José Mourinho (Manchester United), Pep Guardiola (Manchester City), Luis Enrique (Barcelona manager hlun), Joachim Löw (Germany), Diego Simeone (Atlético Madrid), Antonio Conte (Chelsea), Mauricio Pochettino (Tottenham), Tite (Brazil), Massimiliano Allegri (Juventus) le Carlo Ancelotti (Bayern Munich) hi an thim ve hna.
Share! Share!Share! Share! Share! Share!
Comments
Post a Comment