 |
| Van Gaal nih UEFA le ChampionsLeague match 100 a hruaimi thangtthatnak. foto: twitter/uefa |
Sir Alex Ferguson cu August 30. ni i hruaitu a ttuannak Europe's top coaches/ managers tonnak an tuahmi ah aa tel ve. UEFA coaches' ambassador a ttuan liomi a si i an zungpi umnak Nyon an tuah.
Manchester United a rian chawngtu Louis van Gaal le José Mourinho zong he an vai tong kho. Van Gaal cu Europe ah puai 100 manager dirhmun in a hruaimi upatnak an pek. Asinain anmah pahnih si loin mi dang tu a fak ngaingai.
Press zong nih an rak ton khawh i atu in a ralaimi kum zeimaw chung Europe ah a tthawngbik le teitu a si ding Club a si lai tiah a zumhmi zong a chim chih.
"Club dang pawl nih Europe i a lianbik timi Title/Cup tei kho lo ding in Real Madrid nih a tuah hna. Tulio an sining bantuk in an tthawn i an Team a kuai lo ahcun a tlawmbik kum li chung cu La Liga le Europe ah teitu an ngei lai lo." tiah Ferguson nih a peh in Champions League a teitu Real Madrid cu a ralaimi kum pawl ah Europe ah a teitu an ngei lai lo tiah a chim. Cun an manager Zidane zong a thangtthat.
Relchih: Sport News
Kum 26 chung United a hruai i Premier League 13 a teitu Ferguson nih video assistant referee hman chun awk a si ko tiah hi kong he pehtlai in an hal lio ah a leh hna.
Minthang manager an tling nawn, nain Arsene Wenger le Pep Guardiola an bau. A ruang cu August 31. hi Transfer-window Deadline a si caah mi cawk le zuar ah an i manh lo ti a si.
Aa tel khomi manager hna cu:
 |
| foto: UEFA/Twiiter |
Massimiliano Allegri (Juventus), Rafael Benítez (Newcastle), Eduardo Berizzo (Sevilla), Sergio Conceicao (Porto), Unai Emery (PSG), Bruno Genesio (Lyon), Leonardo Jardim (Monaco), José Mourinho (Manchester United), Maurizio Sarri (Napoli), Ernesto Valverde (Barcelona), Rui Vitoria (Benfica) le Zinedine Zidane (Real Madrid). Sir Alex Ferguson nih a hruai hna.
Player-ambassador in aa tel khomi:
Xabi Alonso, Deco, Leonardo, Peter Schmeichel, Clarence Seedorf, Dejan Stankovi, David Trezeguet le Javier Zanetti.
Comments
Post a Comment