October 4. American zan ah Hillary nih aa thimmi Tim Kaines (D) le Mike Pences (R), Trump nih aa thimmi tonnak ahhin zeitluk indah hi thimnak ah bawmtu an si timi an langhter lai.
Tim le Mike an iton hlan ah theih awk a herhmi, theih a duhmi caah tlawmpal ka hon ttial.
1. Khawika ahdah Tv-Debate an tuah lai?
- Longwood University in Firmville, Virginia ah a si lai.
2. Mike Pence cu hodah a si?
-Kum 57 a simi Mike Pence cu Republican aiawh in aa cuh din Trump nih Vice-president ah aa thimmi Indiana i Govenor a ttuan liomi a si. Upadi a cawng i Sihni rian saupi a rak ttuan hnu ah politician a hong si. Congress ah 2001-2013 tiang a rak tthu.
3. Tim Kaine cu teh?
- Amah hi kum 58 a si ve i Hillary Clinton nih Vice-president ah aa thimmi a si. A voikhetnak Vice-president Debate an tuah nakding Virginia ah Govenor a rak ttuan i atu cu Senator a si cang. Congress ah kum 13 a rak tthu bal. Upadi a cawng mi a si ve, i sihni kum 17 chung a rak ttuan bal.
4. Hodah moderator a si lai?
- Elaine Quijano a si lai. Amah hi CBS News nih tutan Debate hruaitu ding ah an thimmi a si i CBS News caah reporter le thawngpang chimtu a si. Amah cu Asian-american a si i tuanbia ah a voikhatnak Asian-american nih hi bantuk moderate a tuah a si lai. 5. Khawika indah hi Debate na zoh khawh lai?
- Nan ram TV cio i nan zoh khawh lo hmanh ah Youtube Live in zoh khawh a si ko lai. Asilole Internet chung ah zoh khawh a si lai.
 |
| Cc: Pollster (4. October) |
6. Vice president debate voizeizahdah a um lai?
- Voikhat lawng a si lai, i tu zan hi a si. President aa cuhmi cu voithum an tuah lai i voikhat cu an tuah cang.
NOTE: Rak ka leng tthan te
7. Zeitindah a tlaangpi an tuah?
- Mah debate hi phun kua in an tthen i minit 10 cio caan a um lai. Moderator a simi Quijano nih an ceih ding pakhat hnu pakhat in biahalnak in a thawkpi hna lai i Kaine le Pence nih minit pahnih veve peng leh caan an ngei lai. A taangmi caan cu thukdeuh in chimrelnak caan a si lai.
8. Zeitindah hi Debate an i timhtuah?
- Mike Pence cu Wisconsin i Govenor a ttuan lio mi Scott Walker he thi lumnak an tuah ta. Tim Kaine tu cu Robert Barnett timi Washington i sihni pa he Debate tuah in a thi a lumh ve.
American a tamdeuh nih tutan i Vice president hi an pahnih in an thei theng hna lo. Ruahnak chim awk an ngei lo tiah AP ning in theih a si.
9. Honih dah biahalnak a thim lai?
- Moderator nih amah duhmi biahalnak a thim lai i CBSN zong nih biahalnak a thim ve lai.
Vice president cu kan hnu zarh i President Debate he tah ahcun theih le zoh a duhmi an tlawm tuk ti a si. Asinain hi hna pahnih nih hin President aa cuh dingmi nakin an party kong an langter khawh deuh lai tiah ruah a si.
10. USA tuanbia ah Sarah Palin le Joe Biden an rak tuahmi Vice President debate kha zoh a tongbik a rak si.
Cc: CNN/Wikipedia/ibtimes.com
Comments
Post a Comment