MarketWatch nih Phaisa Fang (Cash) hi a hmangtu an tlawm chin lengmang cang i, tu kum chung ahhin ni kum nakin a tlawmdeuh tiah a ttial. Norway hna ah cun phaisa a fang in phaisabawm ah kan i ken theng ti lo, Credit-card le Debite kan hman tuk caah 2014 ah khan a rauhhlan ah Cash Free Zone, Card lawng hman ding in kan tuah lai ti khi khua an khaang.
Asinain Europe hmanh ah nichuahlei Europe ram pawl ah cun Phaisa fang kha an hmandeuh rih. I Vawlei cheu thum ah cheu hnih hi Phaisa fang a hmangmi an si fawn.
Zeiti si hmanhah Euromonitor International nih a langhter ning ah Vawleipi huap in cun Card hi phaisa fang nakin an hmandeuh cang.
Mah cucu Vawleicung chawlehnak siseh phaisa kong ah tuanbia thar a si ee, an ti.
2016 chung lawng ahhin Vawleicung phaisa hmangtu hna nih Card in American Dollar 23.3 Billion man thil an cawk i American Dollar 22.6 Billion hi Phaisa fang in cawkmi a si, tiah an ttial.
Asia ah Card a karh:
A luancia kum 20 chung ah Card in thil cawk hi a karh tuk tiah Market Watch nih a ttial. A hleiin 2015 hrawng in chawleh lei ah siseh minung nunning saan aa thawknak Asia lei ah Card hman a karh. Tuluk ram le bang ah cun Mobil-phone in thilcawk/phaisa liam a hong lar ngai. An innpa South Korea cozah nih Card in thil cawk hi tha an pek, a ruang cu fawite in phaisa an hmannak dawi le tlaih khawh a si caah a si.
Kawlram zong ah UK le Singapore nih an i zuam ngaingai. Inflation a sannak ah cun Card hman hi a tthadeuh kho men ko. Khua maw caan i dawr kal ah phaisa a tompi he i chawh zong cu a fawi lo caah Card hman khawh ding in an i zuam zong a ttha.
Asinain South Korea cozah nih fawite in rammi phaisa hmannak dawi khawh an duh bantuk in Card kan hman tikah kan nehnaang kan kal tak tawnmi khi mi tampi nih an duh lo. Cozah lawng a si lo, mi sasawh a siloah Hacker zong nih fawite in Card pawl hi an dawi khawh caah Phaisa fang in hman a duhmi an um ve.
Comments
Post a Comment