H&P: USA Passport Hi Leicungah A Tthabik A Si Ti Lo

2015 ah khan Vawleicung i a tthabik le nawlngeihnak sangbik a ngeimi Passport cu USA le UK an rak si, nain tu kum cu Europe ram pawl nih an tei cang hna. 

Germany passport hi Vawleicung ah a sangbik a si cang tiah Henley & Partners timi British company nih ripawt a pek. Cuti a cuaithlainak le tahfung i a hmanmi cu ram kip i khual an tlawn tikah VISA lo in tlawnnak le an tlawnnak ram i an luh tikah Visa cumhpiakmi zoh in a si. 

Germany passport na ngeih a si ahcun Visa lo in ram 177 ah na lut kho lai. A pahnihnak cu Sweden a si i ram 176 ah luh khawh a si ve i, Finland, France, Italy, Spain le UK passport na ngeih ahcun ram 175 ah VISA lo in na lut kho lai. 

Kawlram belte Visa lo in a luhchuah khawhnak ram a tlawm tuk rih. North Korea tluk lawng kan si. Asinain na tha chia hlah, visa lo in na tlawn khawhnak ram hi na tlawng cawk lai lo. 

Tu kum le ni kum cazin zoh tikah ai thlengmi a um ngai ti a si. Europian Union he Visa-free tlawn khawhnak a sok i a ngahmi ram li hrawng an i chap. Asia ah cun South Korea hi Japan lawng nih a tei, paruknak phu ah Canada, Norway, Irland, Portugal le Luxembourg tiin 172 an ngah ve. 

Cheukhat ram cu Visa lo in an rak tlawn khawhnak ram pawl tlawng kho ti lo in an umnak ram 30 hrawng hna an hong si tthan, an ram ral ruang ah le harsat ruangah a si bik.


Atang hi Vawleicung i Passport sangbik le an tlawn khawhnak ram an si: 

1. Germany - 177 countries
2. Sweden - 176 countries
3. Finland, France, Italy, Spain and the UK - 175 countries
4. Belgium, Denmark, the Netherlands and the United States - 174 countries
5. Austria, Japan and Singapore - 173 countries
6. Canada, Ireland, South Korea, Luxembourg, Norway and Portugal - 172 countries
7. Greece and New Zealand - 171 countries
8. Australia - 169 countries
9. Malta - 168 countries
10. Hungary, Czech Republic and Iceland - 167 countries

Atang hi passport niambik le an tlawn khawhnak ram pawl an si:

95. Burundi, North Korea and Myanmar - 42 countries
96. Bangladesh, Democratic Republic of Congo, Lebanon and Sri Lanka - 39 countries
97. Kosovo, Sudan and Yemen - 38 countries
98. Eritrea, Ethiopia, Iran, Nepal, Palestine and Sudan - 37 countries
99. Libya - 36 countries
100. Syria - 32 countries
101. Somalia - 31 countries
102. Iraq - 30 countries
103. Pakistan - 29 countries
104. Afghanistan - 25 countries

Cc: Henley & Partners