UEFA nih Michel Platini cu a rian an chuah hnu in tu zarh lawng ah President thar an thim khawh tthan.
September 14. zanlei in UEFA president thar cu Slovenia miphun Aleksander Ceferin a si tiah media nih an hon thanh cio. Cu thawngpang he pehtlai in ni kum le tu kum canceo tiang i bawlung vawlei ah a linsami Eihmuarnak, firnak le ziknawhnak a hong thar tthan. Ceferin hi ziknawhnak a tuah ko lai a titu an um colh.
Ceferin nih vote 55 chung ah 42 a hmuh caah a zuamtu Netherlands miphun Michael van Praag cu lungtlin lo awk ttha lo in a tei.
- Thazaang nan ka pekmi le nan ka dirhkamhnak cung ah kai lawm tuk. Hmaihngalpi tlak a si, i lam ttha taktak zong a si, tiah teinak a hmutu Ceferin nih a chim.
Sawiseltu hna nih UEFA president ding ah a ngakchia tuk rih, an ti. Hruaitu si ding ah hmuhton le theihhngalh a ngei tuk rih lo an ti. Cu bantuk in FIFA president le a dang a hawile nih an bawmh caah a si, ti zong a um.
Relchap: FIFA nih Ziknawh A Latu Tazacuainak a tuah
Asinain Ceferin nih zei ah a rel lo.
- Mi zeimaw nih cun Hruaitu a si lo an ka ti. A no tuk rih pinah hmuhton a ngei lo. Keimah, hruaitu ka si maw? Ka hngal lo. Keimah tein hruaitu ka si kaa ti kho lo. Nangmah tein "Hruaitu ka si" tiah atu le tu nai ti ruang ah hruaitu na si lo. Nai chim a hauh peng ahcun hruaitu na si lo caah a si kho. Mipi, asiloah bu(org) pakhat khat lawng nih hruaitu na si le si lo an chim khawh. Cu hmanh ah an in zulh duh le duh lo ah ai hngat, tiah Ceferin nih a chim i a tanglei bantuk hin a bia a peh:
- Keimah hi ka kum a no i hmuhton a ngei lomi ka si maw? Ka thei ve lo. Nain kum 50 ka si cang. Keimah pumpak Company pakhat ah Hruaitu ka si i Slovinia Football Association ah kum li chung hruaitu ka ttuan. Keimah cu a no i hmuhtheih a ngei lo nan ka ti khawh, nain company a fami siseh bu dangdang i president le hruaitu a simi pawl, kum khat ah ni 365 din lo in a ttuanmi hna zeirel lo pakhat a si tiah ka ruah.
President ai cuh lio ahhin bia a kamhmi hna a tampi lo. Thil a si kho lo tukmi a chim lo i a ralaimi kum pawl i UEFA nih a tuah ding vialte cabuai ah a chiah i an zoh piak hnu ah a teimi a si.
A sungmi Netherlands pa Van Praag cu ram kip i Club pawl phaisa a ngei le ngei lo an i dan tukmi hi aa rual in tuah a duh. Club lian pawl nih an phaisa hman an tthumh deuh ding le Club fa pawl zong nih fawideuh in Champions League le Europa League an chuih khawhnak ding caah ai zuam.
Asinain Club lian pawl hi phaisa ngei le ttanhtu ngei an tam caah Van Praag caah cun ruahchannak a rak um lo diam cang. Zeica tiah a rummi nih rum chin an rak duh i cu an nawlngeihnak cu an hman caah a si.
- UEFA nih nan biakhiahnak hi ka upat. Keimah a ka dirkamhtu nan cung ah kai lawm i, atu cu kan nawl ko hna, Ceferin hi a si khawh chung in nan von dirkamh lai, tiah a sungtu Van Praag nih chim.
Cc: BBC/Aftenposten/The Sun
Ceferin nih vote 55 chung ah 42 a hmuh caah a zuamtu Netherlands miphun Michael van Praag cu lungtlin lo awk ttha lo in a tei.
- Thazaang nan ka pekmi le nan ka dirhkamhnak cung ah kai lawm tuk. Hmaihngalpi tlak a si, i lam ttha taktak zong a si, tiah teinak a hmutu Ceferin nih a chim.
Sawiseltu hna nih UEFA president ding ah a ngakchia tuk rih, an ti. Hruaitu si ding ah hmuhton le theihhngalh a ngei tuk rih lo an ti. Cu bantuk in FIFA president le a dang a hawile nih an bawmh caah a si, ti zong a um.
Relchap: FIFA nih Ziknawh A Latu Tazacuainak a tuah
Asinain Ceferin nih zei ah a rel lo.
- Mi zeimaw nih cun Hruaitu a si lo an ka ti. A no tuk rih pinah hmuhton a ngei lo. Keimah, hruaitu ka si maw? Ka hngal lo. Keimah tein hruaitu ka si kaa ti kho lo. Nangmah tein "Hruaitu ka si" tiah atu le tu nai ti ruang ah hruaitu na si lo. Nai chim a hauh peng ahcun hruaitu na si lo caah a si kho. Mipi, asiloah bu(org) pakhat khat lawng nih hruaitu na si le si lo an chim khawh. Cu hmanh ah an in zulh duh le duh lo ah ai hngat, tiah Ceferin nih a chim i a tanglei bantuk hin a bia a peh:
- Keimah hi ka kum a no i hmuhton a ngei lomi ka si maw? Ka thei ve lo. Nain kum 50 ka si cang. Keimah pumpak Company pakhat ah Hruaitu ka si i Slovinia Football Association ah kum li chung hruaitu ka ttuan. Keimah cu a no i hmuhtheih a ngei lo nan ka ti khawh, nain company a fami siseh bu dangdang i president le hruaitu a simi pawl, kum khat ah ni 365 din lo in a ttuanmi hna zeirel lo pakhat a si tiah ka ruah.
President ai cuh lio ahhin bia a kamhmi hna a tampi lo. Thil a si kho lo tukmi a chim lo i a ralaimi kum pawl i UEFA nih a tuah ding vialte cabuai ah a chiah i an zoh piak hnu ah a teimi a si.
A sungmi Netherlands pa Van Praag cu ram kip i Club pawl phaisa a ngei le ngei lo an i dan tukmi hi aa rual in tuah a duh. Club lian pawl nih an phaisa hman an tthumh deuh ding le Club fa pawl zong nih fawideuh in Champions League le Europa League an chuih khawhnak ding caah ai zuam.
Asinain Club lian pawl hi phaisa ngei le ttanhtu ngei an tam caah Van Praag caah cun ruahchannak a rak um lo diam cang. Zeica tiah a rummi nih rum chin an rak duh i cu an nawlngeihnak cu an hman caah a si.
- UEFA nih nan biakhiahnak hi ka upat. Keimah a ka dirkamhtu nan cung ah kai lawm i, atu cu kan nawl ko hna, Ceferin hi a si khawh chung in nan von dirkamh lai, tiah a sungtu Van Praag nih chim.
Cc: BBC/Aftenposten/The Sun
Comments
Post a Comment