Atu hi amah airoltu an hmuh hlan cu kum 21 tang a hruaitu Gareth Southgate nih a tlaih chung i, amah hi an laak beh khawhmi zong cu a si nain Media pawl nih min dang an hon chuahpi luaimai.
Cu hna cu:
Harry Rednapp hi pakhatnak ah an ttial. Roy Hudgson rian an pek hlan te ah a rak i ruah tuk caah Tottenham hmanh a rak chuahtak nain phaisa kong ah a min chiat caah maw a si, England rian cu an rak pe lo. Atu hi Jordan ram caah Manager a ttuan lio.
Eddie Howe cu zaran nih kan thei lem lai lo, nain England ah an uar ngaimi pa a si. England ah kum nobik Manager min ngei a si, kum 38 lawng a si rih. Bournemouth khi Ni kum khan Premier League a kaipi hna lawng si lo in tu kum a pehpi hna. Bawlung chuih Style a duhning he aa tlakmi lawng a lak duh hna caah amah an lak a si ahcun England i minthang chihthiam caah thil fawi lo a si kho, tiah Aftenposten nih a ttial.
Jurgen Klinsmann hi USA Manager a ttuan hnu i USA a tthangcho ngai tiah an ruah cio. Amah hi Tottenham ah saupi a rak chuihmi Germany ram ca zong ah Manager a rak ttuanmi a si. FA le English media nih a min an chim tam ngai ve.
Arsene Wenger nih tu ni kha Arsenal Manager a ttuan kum 20 tlinnak a lawmh i Journalist pawl zong laksawng a pek hna. England i Club pakhat ah kum 20 um cu a fawi lo. Arsenal FC cu Premier League a rak teipi hna lawng si loin, kum 19 chung a pehpeh in Champions League a chuihpi hna. Amah hi FA nih an duhbik tiah Telegraph nih a ttial. Amah zong nih kai manh ko a si i an ka duh ahcun ziah ka ttuan lai lo, tiah nihin ah khan BBC a chim.
Claudio Ranieri hi FA nih an zoh ngaimi ah ai tel. A tuanbia ah Club lawng si loin Ram caah manager hlawhtling pakhat a si. Nai i Leicester City te bak Premier League a lakpi ko hna i Champions League zong ah a hlawh a hong tling ngai.
A dang cu Alan Shearer, Guus Hiddink le Steve Bruce hna an si.
Cc: Aftenposten/SkySport/telegraph
Comments
Post a Comment