Sir. Ferguson Hruaimi UEFA Elite Club Coaches Tonnak An Ngei

UEFA nih Europe i Manager(Coach) minngei timi lawngte a sawm hna i Switzerland i Nyon khua ah tonnak a ngeihpi hna. Mah cu lakah cun Manchester City nih Manager ah an lak tharmi Pep Guardiola a bau, a ruang hngalh a si lo. 


RELCHAP: MANAGER HLAWH SANGBIK

A biapi in lenglei telpitu cu UEFA referee chief Pierluigi Collina, a si. 

Mah hi Manager tonnak ahhin a biapi ngaimi le ceih a tlaak ngaimi iruahnak an ngei hna, i a hleiin an ceihmi cu mi va sutmi Goal (away goal), hmailei ah minit 90 chung i aa tei lomi caan chapnak le penalty i zuamnak kong hna hi an i tel. Cu pinah bawlung puai khat chung ah minung zeizahdah i thlen awk a si timi zong ai ceihhmainak an ngei kho hna, tiah UEFA nih thawngthanhnak a tuah.

Arsenal Manager le United Manager cu 2014 khan biatak ngaiin an i ral i tutan zong ah an tthutti duh lo tiah Media nih an phomh hna. November khi PL ah an itong te lai. 

Ferguson nih a hruai hna. Amah hi UEFA's Coach Ambassador a si pinah Manager Forum ah Chairman a si. 

– Atu bantuk in Manager pawl nih caan an pek i an i tel khawhmi hi a sunglawi tuk. A ttha ngaimi itonnak a si, aruang cu aa khat lomi ruahnak ttha tampi an chuahpi cio. Bawlung vawlei ah hmuhton tampi a ngeimi Manager pawl cu man a ngeimi an si, tiah Ferguson nih a chim. 

Hmanthlak chung i kan hmuh hna bantuk khin Nyon ah ai tongmi hna cu: 

Carlo Ancelotti (FC Bayern München), Mircea Lucescu (FC Zenit), Rafael Benítez (Newcastle United FC), José Mourinho (Manchester United FC), Arsène Wenger (Arsenal FC), Unai Emery (Paris Saint-Germain), Luis Enrique (FC Barcelona), Dieter Hecking (VfL Wolfsburg), Zinédine Zidane (Real Madrid CF), Rui Vitória (SL Benfica), Massimiliano Allegri (Juventus), Hein Vanhaezebrouck (KAA Gent) and Sergey Rebrov (FC Dynamo Kyiv).